Kalaallit Airports ilisimatitsilluni ataatsimiisitsiniartoq
Nuummi innuttaasut mittarfissualiornerit siunissami qanoq isikkoqarumaarnerat maanna paasisaqarfigisinnaanngorpaat.
Mittarfinnik ingerlatseqatigiiffiup innuttaasut paasissutissinniarlugit pingasunngorpat nalunaaqutaq unnukkut arfineq-marluniit unnukkut qulingiluat qeqqata tungaanut Hotel Hans Egedemut qaaqquai.
Pilersaarusiornermi pisortaagallartoq Aviaaja Karlshøj Knudsen tikilluaqqusereerpat, Munck Gruppen sanaartornissaq pillugu saqqummiissapput, qaaqqusissummi mittarfinnik ingerlatseqatigiiffiup nittartakkamigut saqqummiuteqqammisaani taamatut allassimasoqarpoq.
Apeqquteqartoqarsinnaassasoq aamma danskisuumiit kalaallisuumut nutserisoqassasoq, ilisimatitsissuteqartoqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...