Kalaallit aatsaat taama amerlatigut Danmarkimi najugaqarput
Kalaallit Danmarkimut nuunnissaminnut aalajangertut ukiut tamaasa amerliartorput. Nuuttartullu akornanni ilinniagaqarsimasut amerliartorlutik,
Naatsorsueqqissaartarfiup naatsorsoqqammerpai inuit Kalaallit Nunaanni inunngorsimasut qassit maannakkut Danmarkimi najugaqarnersut.
Kalaallit 16.472-it Danmarkimi 2018-imi najugaqarput, ukiup siulianut sanilliullugu 101-inik amerlanerullutik. Kalaallit 14.877-it Danmarkimi 2012-imi najugaqarput.
Kisitsisit misissoqqissaarluaraanni takuneqarsinnaalerpoq meeqqat atuarfianik naammassinnissimasut nuuttartut ikiliartortut, ilinniagaqaqqissimasullu amerliartorlutik.
Eqimattat inuussutissarsiorlutik suliffeqartut namminersortullu amerlanersaapput, nuussimasuni 38,8 procentiugamik, isumaginninnermilu ikiorsiissutinik pisartagaqartut 11,4 procentiullutik. 13,9 procentii 2018-imi ilinniakkamik ingerlataqarput.
Arnat amerlanerupput
Danmarkimut nuussimasuni arnat amerlanerussuteqangaatsiarput. Kalaallit Danmarkimi najugaqartut 60 procentii arnaapput, ukiunili kingullerni angutit Danmarkimut nuuttartut amerliallalaarsimallutik.