Kalaallit aalisariutaat avaleraasartuunik aalisarsinnaatitaanermik annaasaqarnissamut nalorninartorsiorput
Kalaallit Nunaata naalagaaffittut sinerialittut inissisimaneratigut kalaallit aalisariutaatillit avaleraasartuunik isertitaqarfiulluartartunik aalisarsinnaatitaanerat nalorninartorsiorpoq. Tamatumunnga pissutaavoq 2020-2021-mi kalaallit imartaanni avaleraasartuunik aalisartoqarsimannginnera.
Kalaallit aalisariutaatillit nalorninartorsiortorujussuupput avaleraasartuunik aalisarsinnaatitaanertik nioqquteqarsinnaatitaanertilu annaariaannaallugu. Tamatumunnga pissutaavoq Kalaallit Nunaata naalagaaffittut sinerialittut inissisimanini annaasinnaammagu, taamaalillunilu 2022-mi avaleraasartuunik aalisarsinnaatitaaneq annaallugu.
Tamatumunnga pissutaavoq kalaallit aalisariutaat 2020-mi aamma 2021-mi kalaallit Tunup imartaani aalisakkanik piumaneqaqisunik tamakkuninnga pisaqartarsimannginnerat. 2020-2021-mi aalisarneq taamaallaat nunat tamalaat imartaanni pivoq. Erseqqissumik oqaatigalugu aalisartut 2020-mi kalaallit imartaanni 14 kilo pisaraat, kisianni tamanna naalagaaffittut sinerialittut nalunaarsorneqarnissamut tunngaviusinnaanngilaq.
Tamatumunnga ilanngunneqassaaq Pinngortitaleriffimmi biologit avaleraasartuunik Tunumi kalaallit imartaanni 2020-mi misissuinerminni pisaqarsimannginnerat. 20 tonsit ataallugit pisat eqqaassanngikkaanni.
Allaaserisaq tamaat uani Sermitsiami atuaruk: