Kalaallit 23-t suli Danmarkimi parnaarussivinniipput

Kalaallit inissiisarfiimmiittussanngortinneqarsimasutamerlanersaasa Nuummi parnaarussivimmimatoqqasumiinnatik Danmarkimiinnissaq piumaneruaat. Ilisimasalik tamatumunnga tupaallaaeqanngilaq.Tigusisussat katsorsaasussanik illersuisussanillunaammattumik piareersaasiorsimanngillat.

Kalaallit parnaarussaasussanngorlugit eqqartuunneqarsimasut 17-it Herstedvesterimi parnaarussiviup qarmarsuata 8 meterisut portutigisup tunuaniipput. Taakku saniatigut kalaallit sisamat pinerluuteqarsimasunik isumaginnittoqarfiup inuiaqatigiinnut akuulersitsiniarluni suliniutaani inissiaataanut inissinneqaqqapput.

Sulilu marluk immikkut katsorsarneqarnissamik pisariaqartitsinertik pissutigalugu Skejby Sygehusimut inissinneqaqqapput, Sermitsiaq allappoq.

Katillugit kalaallit eqqartuunneqarsimasut 23-t Danmarkimi inissinnaqaqqapput, pinerluuteqarsimasunik isumaginnittoqarfik Sermitsiamut oqarpoq. Ilisimatusarfimmi Lektorip ph.d-ngorniallu Annette Nyborg Lauritsenip Herstedvesterimi kalaallit parnaarussat ikittuinnaat Nuummi matoqqasumik parnaarussivimmut nutaamut nuunneqarnissamik toqqaanerat tupaallaatiginngilaa.

Illutai kusanartut, kisianni...

Taanna ukiorpassuarni nunatta eqqartuussiveqarfiani suliaqarpoq, ilaatigullu ukiut marluk matuma siorna Herstedvesterimi parnaarussivimmiittut arlallit apersorpai.

– Imaassinnaavoq Nuummi illorsuarnik kusanartunik sanasoqarsimasoq, isertinneqartunulli tigusisussat piareersarneqarsimanngillat. Herstedvesterimi inissinneqarsimasut amerlanersaat psykiaterinik psykologinillu katsorsarneqartuupput, taakkulu sapaatip akunnikkaartumik sapaatip akunneriluunniit allortarlugit katsorsarneqartarput.

Taakkunannga amerlanerit nuukkusunngillat, Kalaallimmi Nunaanni katsorsaanerup qanoq ingerlanneqarumaarnera ilisimanngilaat, Anne-mette Nyborg Lauritsen oqarpoq.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Powered by Labrador CMS