Skip to main content

Kalaallisut oqaatsinik atuakkianillu ilinniartunut nunanit avannarlerneersunut pikkorissaaneq

Ilisimatusarfimmi pikkorissaanermi maanna ingerlanneqartumi ilinniartut nunanit avannarlerneersut oqaatsit atuakkiallu silarsuaanni sorpassuarnik tikitaqarput

Ilinniartut nunanit avannarlerneersut kalaallisut oqaatsini kalaallillu kulturianni pikkorissarneqarnerminni oqaatsit uiguuterpassuallit ilanngutsitsisuusullu qanoq atuuttarnerannik - kiisalu atuakkiat nunasiaataanerup nalaani kingornalu kulturimut qanoq sunniuteqarnerannik.

Pikkorissarnermi tassani nunanit avannarlerneersut katillugit 18-it pikkorissaqataapput.

Ilisimatusarfimmi kulturimut, oqaatsinut oqaluttuarisaanermullu ilinniarfimmi Immikkoortortaqarfiup pisortaa, Karen Langgård, pikkorissaanermik aaqqissuisuullunilu ataqatigiissaarisuuvoq. Tamatuma saniatigut aqutsisuuvoq ilinniartitsisuullunilu.

Pikkorissarneq naatsumik oqaatigalugu oqaatsinut atuakkialerinermullu tunngasortaqarpoq. Taamaattorli ilinniartut ataasiakkaat pikkorissarnerup naammassingajalernerani oqaatsinut atuakkialerinermulluunniit tunngasunik pingaarnerutitaqalissapput, Ilisimatusarfik tusagassiorfinnut nalunaarummi allappoq.

Pikkorissarnerup oqaatsinut tunngasortaa Kitaani oqaatsit oqaluinnarnermi atorneqartut sukumiisumik ilisaritinneqarnerannik sivitsumik imaqarpoq, kalaallisut oqaatsit ilisarnaataannut nassuiaarpalaartumik ilisaritinneqarnerannik Kalaallit Nunaannilu inuiaqatigiinni marlunnik oqaaseqarnermut tunngasunik ilisarititsinermik malitseqartinneqartumik.

Pikkorissarnerup atuakkialerinermut tunngasortaani qallunaatuumut nutsikkat aallaavigalugit oqaluinnarnikkut ingerlatitseqqiisarneq Kalaallit Nunaannilu allattarnerup oqaluttuassartaa ilisarititsissutigineqarput, tassuunalu Kalaallit Nunaanni inuiaqatigiinnik ineriartornermut qanimut attuumassutaat ilisartitsissutigineqarlutik.

Pikkorissarneq oqalugiarnernik kalaallit kulturiannut inuiaqatigiinnilu pissutsinut tunngasunik aamma imaqarpoq.

Pikkorissarneq Ilisimatusarfimmi juunip 18-ianiit juulip 16-iannut ingerlanneqartoq tusagassiorfinnut nalunaarummi oqaatigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER