Kalaallisut nutserissuteqangajalersoq
Google Translate ajornerpaammat, taannatut ittoq. Nutserisussutissaq danskit kalaallillu oqaasiisa akornanni nassuiaasiorsinnaasoq tupinnartuliorsinnaanersoq naatsorsuutigineqassanngilaq
Kalaallit oqaasii nunarsuarmi paasiuminaannerpaat ilagaat. Google Translatetut ittumik nutserussutissamik ineriartortitsiniarneq ajornaatsuinnaasimanngilaq. Oqaasileriffiulli nutserissut kalaallisuumiit danskisuumut nutserisinnaasoq aappaagu internetsikkut atuutsilerniarpaa.
Oqaasileriffimmi siunnersortaaneq Per Langgaard AG-mut ilisimatitsivoq.
- Pissanganartupilussuuvoq. Oqaluttuarisaanermimi aatsaat siullermeerluni oqaatsit kalaallisut paasiuminaatsigisut nutserneqarsinnaasunngorlugit iluatsitsisoqarpoq. Tamanna tulluussimaarutigaarput, Per Langgård erseqqissaavoq.
- Google Translatetulli pitsaatigissava?
- Naamik. Innuttaasunulli nalunaarutigisinnaavarput, Google Translate ajornerpaammat taannatut iinnassasoq. Aallartisaanermi matumani pineqarpoq. Aallartisaasarnerit taama ittut piffissamik atuiffiusarput, Langgård akissuteqarluni oqarpoq.
Nutserissut AG-mi tulliuttumi akiliillutit iserfigisinnaasanni paasiaqarfiginerusinnaavat: