Kalaallisut ilinniarnissannut eqiasuinnera naammappa?
Qaammatini qulingiluani pilerlaanut kalaallisut pikkorissarneq naammassivoq. Oqaaseqatigiit naatsut oqaatigisinnaavakka oqaatsillu iserfiginialerlugit. Oqaatsilli eqqaamaniarneri ajornakusooqaaq.
Kalaallisut aallarterlaanut Studieskolenimi soraarummeerpugut. Tassalu misilitsilluni…taamalli oqarnissaq immaqa ingasalaarpoq. Oqaatsinik ilinniarfimmi ilinniartup Mariannep oqaluttualiaa uani sapaatip-akunnerani AG-mi naggaserneqarpoq.
Aasaanerani sulinngiffeqarnissaq sioqqullugu kingullernik ilinniartinneqaratta ilinniartitsisorput nalorsitsaarivoq. Qinngasaarerpalullunilu immaqa peqqarniilaartumik.
Oqarasuaatitsinni apeqqutit 25-t akissutaat allattussaavavut, tassalu kalaallisut oqaaseqatigiit oqaatsillu.
Nassuerutigipallallara ingerlanerlioqigama. Uagut atuaqatigiinni imaaliarsaalersimasugut ataatsikkut suaarpugut soorunami inuusunnerpaat marluk ajugaasut sukkanerusumik allassinnaagamik. Imaanngitsoq ilisimasaqarnerugamik…
Ilaqutariinni toqusoqarnera peqqutigalugu oqaatsinik ilinniaqatigiinni ilinniartitsinerit kingulliit marluk peqataaffiginngilakka. Taamaalillunga malinnaaniapiloorlunga.
Pisussanut oqaluutit sammingaatsiarsimavavut. Unnugu fjernsynissavisi? Qallunaatuumiit oqaasersiat iluaqaat! Taamaalilluni uannut qallunaatut oqaaseqartumut ajornannginnerulaarpoq.
Alutornarluinnartumik taggisit oqaluutinngortarnerput. Assersuutigalugu iffiaq, taava iffiartorpoq.
Legot
Kalaallit oqaasii pissanganarput legotut ilaartorneqarsinnaagamik. Oqaluutit uiguusersukkat. Taamaalillutik oqaatsit takisoorsuanngorsinnaallutik. Tamanna kialuunniit takusinnaavaa. Uiguutut assigiinngitsut qanoq atorneqassanersut paasiuminaannerullutillu eqqaamajuminaannerupput. Atuaqatima ilaata nuannaarluni atuagaq tungujortoq takutippaa kalaallisut uiguutaannarnik imaqartoq.
Danmarkimi kalaallisut ilinniarneq pillugu allaaserisani nangeqattaartuni immikkoortoq kingulleq sapaatip-akunnerani uani AG-mi saqqummertumi atuaruk. Uani isissutissarsigit: