Skip to main content

Kalaallip atuartup danskit Koderinermi nersornaasiuttagaat pissarsiaraa

Johannes Blidstrand Qaqortumeersoq marlunngornermi Coding Classimi Danmarkimi ajugaaniutivinnermi ajugaavoq.

Johannes Blidstrandip Qaqortumi 7. klassimi atuartup, Koderinermi Coding Classimi pissartanngorniunneq, Københavnimi Odensimilu ingerlanneqartoq ajugaaffigaa.

Nunarput Coding Classimi ajugaaniutivinnermi Danmarkimi siullermeerluni peqataavoq.

FN-ip nunarsuarmut anguniagai
Johannes Blidstrandip spilli ”Ocean Guardian” kodersimavaa, FN-ip piujuartitsinissamut nunarsuarmut anguniakkat 14-issaat tunngavigineqarpoq, Imaani inuuneq.

Ocean Guardian plastikkinik katersuinermut-, eqqakkanik ikilisaanermut-, immallu uumasuisa illersornissaanut tunngasuusoq, Tele-Post tusagassiuutinut nalunaarummi nassuiaavoq.

- Nuannerluinnarpoq takullugu atuartup Qaqortumeersup kodelerinermi akissarsitinneqarnera, Johannesilu sinnerlugu tulluusimaarlutalu nuannaarpugut. Johannes Coding Classimut soqutiginnilluarluni pimoorussillunilu peqataasimavoq, Tele-Postimi piujuartitsinissamut siunnersorti Tanja Christiansen tusagassiuutinut nalunaarummi oqaluttuarpoq.

Tele-Postip Kommune Kujalleq aamma Innovation South Greenland suleqatigalugit Kujataani 7. klassinut coding class pilersippaat.

Akissarsiassat pingasut
Johannes Blidstrand Koderinermi akissarsiassamut toqqarneqarpoq. Marlunngornermi ajugaaniutivinnermi akissarsiat marluk allat tunniunneqarput.

Coding Classimi ajugaaniutivinnermi Johannes Blidstrandip 12-it allat unammivai.

Johannes Blidstrandip koderinermi akissarsiap pissarsiarinera nuannarisorujussuugaa, Tele-Post ilisimatitsivoq.

- Johannesip Danmarkimi ajugaaniutivinnermi ajugaasimanera assut nuannaarutigaarput. Innovation South Greenlandimi Johannes sinnerlugu assut tulluusimaarlutalu nuannaarpugut. Nuannaarutigaarput Innovation South Greenland, Johannesip pissartanngorniunnermi peqataanissaanut piareersaanermi ajugaaniunnermilu ikiutaasinnaasimammat, Innovation South Greenlandimi ineriartortitsinermi siunnersorti, Naja Motzfeldt oqarpoq, nangillunilu:

- Johannes nukappiaraavoq oqaaseqarpallaanngitsoq, timaatigulli takuneqarsinnaavoq Kalaallit Nunaanni pissartanngorniunnermi, ingammillu Danmarkimi ajugaaniutivinnermi ajugaanini assorsuaq nuannaarutigigaa. Neriuutigaarput Johannesip kodelerinermut soqutiginninnini aallutiinnarumaaraa, aamma neriuppugut meeqqat allat Johannesimut malinnaajumaartu, Naja Motzfeldt oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER