Kalaallinut ilaqutariinnut Danmarkimi najugalinnut ikiuiartortoqassasoq
Angajoqqaajusinnaanermut tulluunnerluni Danmarkimimisissuiffigineqarnermi kalaallisut oqaasilinnik tarnippissusaanik ilisimasalinnik misissuisoqartassasoqNaalakkersuisut kissaatigaat. Aningaasanulli inatsimmitamanna aningaasaliiffigineqanngilaq. Danmarkipaningaasaliiffigissagaa arlallit tikkuarpaat.
Kalaallit ilaqutariit meerartallit Danmarkimi najugallit ikiorneqarnissaannik aningaasanut inatsimmi 2023-moortumi koruunimik ataasiinnarmilluunniit aningaasaliiffigineqanngillat. Naak meeqqanut, inuusuttunut ilaqutariinnermullu naalakkersuisup Mimi Karlsenip Inatsisartuni qanittumi oqallinnermi eqqaagaluaraa, angajoqqaajusinnaanermik piginnaasaqarnermut misissuisoqartillugu Kalaallit Illuutaanni Danmarkimiittuni tarnip pissusaanik ilisimasalinnik isumaginninnermullu sullissisunik kalaallisut oqalussinnaasut atorneqartassasut.
Aviisi Sermitsiaq allappoq.
– Una aaqqissutaasinnaasoq iliuuseqarnissamik tunaartaqarpoq, kalaallinullu angajoqqaanut Danmarkimiittunut angajoqqaajusinnaanermik piginnaasanik misissuisoqartillugu sukkasuumik allanngueqataasinnaalluni. Tarnip pissusaanik ilisimasallit isumaginninnermullu sullissisut kalaallit kulturiannik ilisimasallit oqaasillillu paatsooqatigiittoqarnissaralua pinngitsoortissinnaavaa, meeqqallu pisariaqartitai pitsaanerusumik ukkatarineqassallutik, Mimi Karlsen oqarpoq.
Mentor Immanuelimi pakatsissutigineqartoq
Tarnip pissusaanik ilisimasallit kalaallisut oqaasillit sullissinissaat aningaasaliiffigineqanngippata qanoq iliortoqassagami? Danmarkip aningaasaliinissaa naatsorsuutigineqartoq? Imaluunniit Kalaallit Illuutaasa ingerlannissaannut aningaasaliiffigineqarneranit pissappat?
Peqatigiiffiup Mentor Immanuelip kajumissutsiminik kalaallit ilaqutariit meerartallit Danmarkimiittut maannamut ikiortarpai. Taakku ikiuuttarnermi aningaasanut inatsimmi aningaasaliiffigineqarniannginnertik pakatsissutigaat.
– Kalaallit Nunaanni Folketingimut qineqqusaarnermi amerlasoorujussuarnik eqqaaneqarpugut. Qineqqusaartut arlallit aningaasanut inatsimmit aningaasaliiffigineqarnissarput qineqqusaarutigaat, immaqa Inatsisartuni ilaasortat tamanna isumaqataaffigisimanngikkaat. Mentor Immanuel aningaasanut inatsimmi oqaatsimik ataatsimilluunniit eqqaaneqanngilaq, naak kajumissutsimik suliagut amerlagaluartut. Kalaallit Illuutaasa suliagut akisussaaffigilertariaqassaneraat isumakuluutigaara. Taakku ilisimasat pisariallit piginngilaat, sulianullu akuunatik, inatsisileritooq Mentor Immanuelimi kajumissutsiminik suleqataasoq Tina Naamansen oqarpoq.
Kalaallinut ilaqutariinnut Danmarkimi najugalinnut ikiuiartortoqartarnissaa pillugu oqaluttuaq tamaat aviisimi Sermitsiami sapaatip-akunnerani matumani saqqummersumi atuaruk. Ugguuna iserfigisinnaavat: