Aalisarneq
Kalaallinuna suniaraatigut?
Royal Greenlandip Newfoundlandimi suliffeqarfiit annersaanik piginnittuulernissaa pilersaarutaasoq najukkami oqallinnermik pilersitsivoq. Taamaattorli Canadami inuiaqatigiinnguani aalisartorfiusuni siunissamut isumalluarnartumik neriuuteqalernissaq aamma kaammattuutigineqarpoq
Royal Greenlandip Canadami aalisakkanik tunisassiorfimmut Quin-Sea Fisheries Ltd.-mut anguniagaqartumimk aningaasaliinera akitsinni nuannaarnermik ernumanermillu pilersitsivoq.
Qularutiginnittut ilaasa eqqoriarpaat Royal Greenland suliffeqarfimmut pisassiissutinik pissarsiniaannartoq nunamilu suliffissanik atorunnaarsitsiartuaarumaartoq.
Allat Quin-Sea Fisheriesip niuer nermut tunngasortaata Royal Greenlandip nittarsaassinermi nukissaqarluartumik ingerlatsinernik nunnarsuarmilu niuerfinnut arlalissuartigut appakaassimaneranik maanna tapertalerneqarsinnaaneranut atatillugu isumalluarnerujussuupput.
Najukkami oqallinneq Canadami nittartagaq CBS News (nutaarsiassaq saqqummiukkamiuk aamma qulequttani Royal Greenlandip qallunaanit suliffeqarfiutigineqarneranik oqaatiginnittoq) aqqutigalugu ingerlanneqarpoq.
Allaaserisap ataani oqaaseqaatini oqalliseqataasut ilaat, Sean Flynn, allappoq, suliffeqarfiup sukumiisumik aqunneqarnissaa tunisassiornermilu pissutsit nutarterneqarnissaat qulakkeerniarlugit nunanit allaneersunik pisariaqartitsisoqarsimagunartoq.
- Qallunaat immaqa isumassarsianik nutaanik tunniussaqarsinnaapput naammassisaqarsinnaassutsimillu pitsaanerulersitsillutik, imaluunniit aamma pisariillisaassapput sulisunillu ikililerissallutik. Takussavarput, ilassuteqarluni allappoq.
AG-p juullimut aviiserujussuani allaaserisaq tamaat atuaruk. Aviisi elektroniskinngorlugu uani pisiarisinnaavat: