Skip to main content

Kalaallimik soqqusaalluni toqutsinermut sisamat pisuutinneqarlutik eqqartuunneqartut

Januarimi 2017-imi angut 20-inik ukiulik sakkortuumik persuttarneqarnermi kinguneranik toquvoq. Maanna angutit sisamat angummik Kalaallit Nunaanneersumik toqutsinermut pisuutinneqarput.

Hjørringimi eqqartuussiviup marlunngornermi angutit sisamat soqqusaatsumik saassussisutut pisuususutut eqqartuuppai, taakku siorna januaarimi angutip 20-nik ukiullip Kalaallit Nunaanneersup Skagenimi toqutsipput.

Jyllandip avannaani politiit unnerluussisussaatitaat taama ilisimatitsivoq.

Angutit taakku akiniaarusullutik 20-nik ukiullip inaani Skagavejimi januaarip 16-anni saassussisimanerarput.

Annaassiniartartut takkummata angut ilisimanani uumavoq. Ullut marluk qaangiummatali aqqunartiternerminit toquvoq.

Suliap ingerlanerani unnerluunneqartut imminnut pisuuteqattaarput. Kisianni taakku sisamaallutik ataatsimoorlutik saassussisimasut eqqartuussiviup paasivaa.

Eqqartuusseqataasoqartilluguli eqqartuussisut angutip toqqutigisaanik taakku sisamat arlaata anaasisimanera paasineqanngitsutut nalilerpaat, Nordjyske allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER