Arctic Winter Games
Kalaaliinnaallutik sulorarnermi pissartanngorniutissasut
Issittumi unammiuaartoqarnerani Kalaallit Nunaat suli ujaminnattaassarpassuaqarpoq
Arctic Winter Games ingerlanneqarnerani Kalaallit Nunaat maanna 29-nik ujaminnareerpoq.
Kisianni tamanna qularnanngitsumik allanngortinneqalerpoq. Tassami kalaallit sulorartartut pisassaanngivipput, unammiuaarnermilu ujaminnattassat amerlanersaat pissarsiarinissannut piareerput.
Atuaruk: Arctic Winter Gamesimi unamminissarpassuit
Kalaallit sulorartartut arlallit pissartanngorniutivinnermi imminnut unammissapput.
Uku pissartanngorniutivinnermi imminnut unammissapput
Ataasiakkaarnermi:
- Niviarsiaqqat nukarliit: Pilunnguaq Hegelund aamma Miinannguaq Søholm Petersen
- Niviarsiaqqat angajulliit: Cecilia Josefsen Josenius aamma Milka Brønlund
- Nukappiaqqat angajulliit: Toke Ketwa-Driefer mod Nuka Mark Nielsen
Nukappiaqqani nukarlerni Angutivik Berthelsenip Dhruv Patel Alberta Northimeersoq unammissavaa.
Akulerulluni marlukkaarnerit
Nukarlerni akulerulluni marlukkaarnermi Pilunnguaq Hegelund aamma Victor Langholz kuultinnanniassapput, taavalu Angutivik Berthelsen aamma Miinannguaq Søholm Petersen bronzinnanniassallutik.
Angajullerni aamma kalaaliinnaat pissartanngorniutissapput:
- Akulerulluni marlukkaarneq: Cecilia Josefsen Josenius aamma Nuka Mark Nielsen unammissavaat Toke Ketwa-Driefer aamma Milka Brønlund
Peqataasut tamarmik aamma marlukkaarnermi pissartanngorniutivinnermi peqataasussaapput. Unamminerit Inussivimmi ingerlanneqarput.
Atuaruk: Kalaallit pingasunngornermi ujaminnalluartut