Skip to main content

Kalaaleq sakkutuujusimasoq New Orleansimi aallaaneqarluni toqusimasoq nassaarineqartoq

Angut kalaaleq amerikami illoqarfimmi ujajaaffigineqarsimagunarpoq. Taanna USA-mi motorcykelerluni angalasimavoq.

Kalaaleq sakkutuujusimasoq amerikami illoqarfimmi New Orleansimi toquvoq, taanna Louisianamiippoq.

Taanna peqqarniitsumik ujajaaffigineqarsimagunarpoq.

- Taanna pinerluttuliorfigineqarsimarpasippoq. Akunnittarfiup unnuiffigisami eqqaani aallaaneqarsimasoq nassaarineqarpoq, pigisaalu amigaatigineqarput. Ujajaaffigineqarsimarpasippoq, Mads Pramming, ilaqutariit eqqartuussissuserisuat taama oqarpoq.

Angut, Poul Hansen, USA-mi sulinngiffeqarnermi angalavoq. Taanna motorcykeliminik ikinngutinilu nuna ituillugu ingerlaaraluarpoq.

Danmarkimi nunanut allanut ministeriaqarfiup innuttaasunut sullissiviata qallunaatut innuttaassusilik USA-mi toqusimasoq uppernarsarpaa. Inuit ataasiakkaat pillugit suliani nipangiussisussaatitaaneq pillugu annerusumik paasissutissiisoqarsinnaanngilaq.

Ilaqutaasut taassuma toqunera pillugu Facebookimi allappoq, kisianni suna toqqutigineraa oqaatigineqarnani. Kisianni toqunerminut atatillugu anniaateqarsimanngitsoq, nulia allappoq.

Poul Hansen sapaatip-akunnerata siuliani New Orleansimi maqaasineqartutut nalunaarutigineqarpoq, ataasinngornermilu ilaqutaasut toqungasoq nassaarineqarsimasoq pillugu nalunaarfigineqarput.

- Pigisai peqanngimmata politiit kinaassusersiuminaatsissimavaat. Qallunaaq takornariaasoq paasisinnaasimannginnamikku, Mads Pramming oqarpoq.

Poul Hansen ilisaaniassammat eqqartuussissuserisup ilaqutaasut maanna peqatigalugit Danmarkimut angallanneqarnissaa sulissutigaat.

Poul Hansen 40-t sinnerlugit ukioqarpoq. Taanna sakkutuujusimasut klubbianni ilaasortaavoq, tassanilu aamma toqusimanera uppernarsarneqarpoq.

- Qatannguterput Poul Hansen toqungasoq nassaarineqarpoq, eqqaaneqarnera ataqqinartuuli, Blood of Heroes - war veterans Danmark, Facebookimi toqusup assinga saqqummiullugu taama allapput.

Poul Hansen Nuummi inunngorlunilu peroriartorsimasoq, Claus Jordeningip, Veteran Cafe Grønlandimeersup Sermitsiaq.AG-mut uppernarsarpaa.

- Ilisarisimavara, oqaatigiinnarsinnaavara inuk pitsaasuullunilu nuannarineqartuusoq, Claus Jordening oqarpoq.

Poul Hansen Kalaallit Nunaanni Veterancafeenimi ilaasortaanngilaq, maanna Danmarkimi najugaqarnini pissutigalugu. Taamaakkaluartoq Veterancafemi ilaasortat toqunera tusaramikku sunnertipput.

Poul Hansen arlaleriarluni sakkutuutut aallartitaasarsimavoq. Taanna Irakimiissimallunilu Afghanistanimiissimavoq.

Poul Hansenip nuliani meeqqanilu marluk qimappai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER