Skip to main content

Kalaaleq inuusuttoq silap pissusaata allanngoriartornera pillugu suliniuteqartoq Schweitzimi sila pillugu ataatsimiinnermut peqataaniartoq

Sascha Blidorf 19-inik ukiulik GUX Nuummi ilinniartoq World Economics Forumsip ukiumoortumik Davosimi Schweitzimiittumi ataatsimiinnerani peqataassaaq, tassani inuusuttut nunanit arlalinneersut nunarsuarmi siuttut silamut tunngatillugu suliniuteqarnerat oqaluuserissavaat

ullut arfineq-pingasorpiaat qaangiuppata, tassa januaarip 21-aniit 24-anut inuusuttorpassuit minnerpaamik nunanit arfineq-pingasuneersut Davisumi Schweitzimiittumi tammaarsimaarniarput.

Issittumi ilisimatusartut peqatigalugit ullut tamaasa tassani suliaqartassapput issersuarmilu tupermi sinittassallutik. Eqqornerusumik oqaatigalugu 12 gradinik issittumi sinittassallutik.

- Soorunami pissangallungalu qilanaarpunga. Ullut taakku pissarsiaqarfigissavakka, siunissami assersuutigalugu nammineq kiffaanngissusera atorlugu suliaqarninni atorsinnaasannik, soorlu Fridays for Futuremik aaqqissuussissanguma, Sascha Blidorf oqarpoq.

Sascha Nuummi GUX-imi aturatut Friday for Future-mik 2019-imi upernaakkut aaqqissuussisut ilagivaat.

Siunertaq

Sascha Blidorfip inuusuttut allat nunanit arlalinneersut peqatigalugit nunarsuarmi politikkerit silamut tunngatillugu iliuusaat, imaluunniit iliuuseqannginnerat oqaluuserissavaat. Arctic Basecampeqarnissami siunertarineqarpoq silap pissusaata allanngoriartorneranik silallu pissusaata Issittumut qanoq kinguneqarsinnaaneranik sammisaqartoqarnissaa.

- Inuusuttut uagut Arctic Basecampimi peqataasussat kissaatigaarput, nunarsuarmi siuttut silap pissusiata allanngoriartorneranut qisuariarnissaat pissutsillu pitsaanerulersinniarlugit politikkiminnik allannguinissaat, Sascha Blidorf oqarpoq.

Arctic Basecampimi paasitininniarneqassaaq nunarsuarmi tamarmi CO2-mik aniatitsinerup annikillisinneqarnissaata qanoq pingaaruteqartiginera.

Aningaasaliisussarsiorneq

Sascha Blidorf inuusuttut allat issittumilu ilisimatusartut peqatigalugit aningaasanik katersileruttorput, Arctic Campimut aningaasaliissussarsiortarlutik. Aningaasat inuusuttut Schweitziliarnissaannut, najugaqarnerannut atortussanullu atorneqassapput. Aningaasat katersorneqartut tamarmik ukioq manna aappaagulu najugaqarnissamut atorneqassapput. Uani aningaasaliissuteqarsinnaavutit.

- Aningaasaliissuteqarnitsigut silap pissusaata allanngoriartornera Kalaallit Nunaanni pimoorukkipput takutissavarput, Sascha Blidorf naggasiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER