assit takukkit
Kalaaleq assilisittartoq unammisitsinermut Ethnivity Womanimut peqataasoq
Marianne Laursen pinnerneqqusaannermut Ethnicity Womanimut peqataaniarluni aalajangerpoq
Marianne 'Mari' Laursen Aalborgimi inatsilerituunngorniartoq, pinnerneqqusaannermi Ethnicity Woman 2016-imut peqataanissaminut akuerineqarpoq.
Ethnicity Woman arnanut Danmarkimiittunut allamik inuiaassuseqartunut pinnerneqqusaanneruvoq, taanna Aalborgimi septembarip qulingani aallartissaaq.
Isumassarsianut pinnissutsimullu peqatigiiffik
Assigiinngitsorpassuarnik inuiaassuseqartunik peqataasussarpassuaqarpoq, Mari Laursenillu sassarnissani qunuginngilaa.
- Kalaallit inuiaassusaat sinnerlugu sassarpunga. Isumassarsiat oqaloqatigiissutiginissaa aamma inuiaassutsit assigiinngikkaluartut nutaanik ilisarisimasaqalernissamut periarfissaqarpoq, taanna Sermitsiaq.AG-mut oqarpoq.
Atuaruk: Kalaaleq inuusuttoq Miss Danmarkinngornissamut peqataasoq
Atuaruk: Aki-Matilda normu 6-inngortoq
Ajugaasoq arnanut allanut piginnaaniminik, misilittakkaminik aamma pinnissutsiminik maligassiuisussanngorsinnaasoq, Miss Ethnicity Womanimi aaqqissuisunit siunertarineqarpoq.
Atuaruk: Maniitsormiu Miss Earthimut peqataassaaq
Unammisitsineq Mama Essie Tomobile Aalborgimi Touch of Africamit aaqqissuunneqassaaq.
Mari Laursenip assingi immikkoortitat uani takukkit