Skip to main content

KAK silami arsamik pissartanngorniuttoqarnissaanik taamaatitsisoq

Kalaallit Nunaanni Arsaattartut Kattuffiani, KAK, siulersuisut aalajangersimapput silami arsamik pissartanngorniunnissat anngunniunnissallu tamaasa taamaatiinnarniarlugit.

Ukioq manna silami arsamik pissartanngorniuttoqassanngilaq.

Taamatut KAK, Kalaallit Nunaanni Arsaattartut Kattuffiat, Facebookikkut quppernermini ilisimatitsitsivoq.

- KAK-ip siulersuisuisa ataatsimiinnerminni isumaqatigiissutigisimavaat, ukioq manna silami arsamik pissartanngorniunnissat tamarmik taamaatiinnarneqassasut. Tamatumunnga pissutaavoq, killilersuutit juulip 30-ata tungaanut sivitsorneqarsimanerat. Taamaatitsiinnarnermut aamma anngunniuttoqarnissaa ilaatinneqarpoq, KAK Facebookimi quppernermini allappoq.

Akiuussutissalertissimanngikkaanni – angalasoqarsinnaanngitsoq

Kalaallit Nunaanni Timersoqatigiit Kattuffiat, GIF, ataasinngormat ualikkut tusagassiorfitsigut nalunaaruteqarpoq, tassani allatsip Jonas Jensenip inassutigaa timersornikkut aaqqissuussat tamarmik, silami illullu iluani, killilersuutit atorunnaarsinneqarnissaasa tungaanut unitsikkallarneqassasut.

Maannakkorpiaq kikkut tamarmik ilaaffigisinnaasaanni isersimaffigisinnaasaannilu qanermut assiaquteqarnissaq piumasaqaataavoq. Kikkut tamarmik isersimaffigisinnaasaanni silamilu inuit amerlanerpaamik 20-t katersuuteqqusaapput. Nutaatullu piumasaqaataalerluni, akiuussutissalertissimasut kisimik marlunngornermiit tallimanngornermut juulip 30-ata tungaanut nunami maani angalasinnaanerat.

- Naalakkersuisunit aamma oqaatigineqarpoq, timersornikkut aaqqissuussat aaqqissuusssallu allat ingerlanneqarsinnaaqqilissappata, sapinngisamik amerlanerpaat akiuussutissalertittariaqartut. Tamanna KSAK-imit tapersersorneqarpoq, KAK allappoq.

Killilersuutit juulip 30-ata kingorna atorunnaarsinneqassappata, nunap immikkoortuini silami pissartanngorniuttoqarsinnaanera suli periarfissaasoq, KAK ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER