Skip to main content

Kajumissutsiminnik ujaasisut 100-ngajaat Paviamik ujaasipput

Suliaqaqatigiiffiup Missing Peoplep aaqqissuussaanik, Pavia Hamannimik sapaatip akunnera sinnerlugu tammaqqareersumik, sapaatiummat ujaasisoqarpoq.

Pavia Hamann, sapaammi unnuaani februaarip qulinganili tammaaneqartoq ujassallugu, kajumissutsiminnik peqataaniartut 94-it Djurslandip katersortarfiani Fausing Forsamlingshusimi sapaammi naapipput. TV2 Østjylland taama allappoq.

Ujaasinerli ajoraluartumik aamma kinguneqanngilaq.

Ilaqutaasut Missing Peoplemut attaveqarsimapput, neriullutik Pavia Hamannip sumiinneranik ilisimannittunik paasisaqassallutik.

- Ilaqutaasunut isumaqartorujussuuvoq inuit ilisimanninngitsut ilaqutaasuunngitsulluunniit, ualikkut piffissartik atorlugu erniusup ujaasineranut peqataammata, Missing Peopleminngaanniit Vivian Winther Eriksen TV2 Østjyllandimut oqarpoq.

Pavia Hamann kingullermik sapaatiummat ullaassakkut 04:30 ataataminut attaveqarpoq oqarluni Fausingip kitaatungaani narsaannarmiilluni.

Kajumissutsiminnik peqataasut saniatigut qimmilisartut marluk dronerlu ataaseq atorlugit ujaasisoqarpoq.

Missing People ilisimatitsivoq ujaaseqqinnissamut pilersaarusiortoqartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER