Skip to main content

Kajumissuseq naapertorlugu iliuuseqarnerup ataatsimoorluni nukittorsarnera

Kalaallit Nunaanni Timersoqatigiit Kattuffiat, Arctic Winter Games 2016 aamma Meeqqat Inuunerissut nunatsinni ineriartornissaq eqqarsaatigalugu kajumissuseq naapertorlugu iliuuseqartarnerup suli annertusarnissaa suleqatigiissutigaat

Kalaallit Nunaanni inuiaqatigiinni ineriartornissaq eqqarsaatigalugu kajumissuseq naapertorlugu iliuuseqartarnerup suli annertusarnissaa pisariaqartinneqarluinnarpoq. Taamaattumik tamanna nukittorsarniarlugu aallunniarlugulu Kalaallit Nunaanni Timersoqatigiit Kattuffiat, Arctic Winter Games 2016 aamma Meeqqat Inuunerissut suleqatigiilersimapput.

- Inuit taamatut ikitsigitilluta kajumissuseq naapertorlugu sulinissamut innuttaasut piffissamik nukinnillu atuerusunnerat assut pingaaruteqarpoq. Kattuffiit kajumissuseqartut akornanni ilaatigut kajumissuseqartunik sulisussarsinissamut aalajangiussisimasaqarnissamullu aalajangersimasunik sakkoqarnissamut annertuumik pisariaqartitsisoqarpoq. Taamaattumik kajumissuseq naapertorlugu aaqqissuussisarnernut tapersersuerusuppugut aamma kajumissuseq naapertorlugu amerlanerusut sulilernissaannut ikiuukkusulluta.

GIF, AWG 2016 aamma Mibb ataatsimut tusagassiutinut nalunaaruteqarput.

Suleqataasut amerlanerusut
Kattuffiit aaqqissugaanermikkut suliaqarfimmikkullu assigiinngikkaluartut pingasuullutik arlaatigut kajumissuseqarneq naapertorlugu suliaqartuupput. Suleqatigiinnermi aallaavigineqarpoq meeqqaanut, inuusuttunut peqqissumillu inuuneqarnermut naleqqiullugu inuiaqatigiinni amerlanerusut kivitseqataappata Kalaallit Nunaanni inuiaqatigiinni ineriartorneq nukittunerulissasoq.

Nunatsinni illoqarfinni assigiinngitsuni kajumissuseq naapertorlugu kattuffinnut kajumissuseq naapertorluni sulineq pillugu akeqanngitsumik kattuffiit pikkorissartitsissapput. 

Qaqortoq illoqarfinni siulliullugu juuni 2014-imi tikinneqassaaq.

Suleqatigiinneq sapaatip akunnerani matumani aallarnisarneqassaaq kattuffinnut pingasunut taakkununnga ataatsimut pikkorissartitsisoqarluni, kattuffiit Center for frivillig socialt arbejdemiit kajumissuseq naapertorlugu iliuuseqartarneq pillugu ilisimasanik pissarsissallutik.

'Kajumissuseqartut ukiuat' 2016
Kattuffinnut atassuteqartut inuit saniatigut Inuusuttut Nukittoqatigiinneersut – Inua aamma kommunit taakku sisamat kajumissuseq naapertorlugu iliuuseqarnermik suliaqartut pikkorissarnermi peqataaqqullugit aggersarneqarput.

Kajumissuseq naapertorlugu kattuffinnut pikkorissartitsinerit saniatigut kajumissuseq naapertorlugu sulinerup pingaassusia isiginiarlugu qaammarsaanermut Kalaallit Nunaanni Timersoqatigiit Kattuffiat, AWG2016 aamma Mibb suliaqassapput. Suleqatigiinnerup annertunerpaaffigissuaa 2016-mi 'Kajumissuseqartut ukiuat', innuttaasut, NGO-t suliffeqarfiillu kajumissuseq naapertorlugu iliuuseqarnissamut pimoorussaqalersillugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER