Maaji Nuan

Kajumissaarut: Ataatsimoorlusi qimmisi aneerussigit

Qimmit aneerutissagukku Nuummi Uumasut peqatigalugit ataatsimoorluni aneerusseqataagit. Arfininngormat qimmiutillit Maaji Nuan-imi peqataapput

Arfininngormat ´Nuummi Uumasurt´-mut ilaasortat ´Maaji Peqqissuutiguk´-mut atatillugu qimmiutiminnik aneerussipput, Maaji Nuan-ilu maanna kajumissaarivoq qimmit ataatsimoorluni aneeruttarnissaannik.
Tom Amtoft `Nuummi Uumasut´ siulittaasuat angalaarnermi peqataasoq oqarpoq:
– Neriuppugut peqatigiiffimmi ´Nuummi Uumasut´´-mi arlaleriarluta taamatut aaqqissuussisassalluta, qimmiutillillu siunissami aneeqatigerusuttassagaatigut. Tamatumuuna takutinneqarsinnaavoq illoqarfimmi qimmit qanoq amerlatiginersut, qimmiutillillu atugarissaartinnissaat soqutigigaat.
Peqatigiiffiup facebook-imi quppernera atorneqarsinnaavoq - tassanilu qimmiutillit allat naapinneqarsinnaavoq ilisimasanik avitseqatigalugit aammalu pisuttuaqatigiinnissamut peqataaniarluni nalunaarluni.

Powered by Labrador CMS