Skip to main content

Kajumissaarut: Angusarissaarniassaasi

Sisamanngormat Ilisimatusarfimmi 23-t HD-tut allagartartaarput

Nuummi Ilimmarfimmi sisamanngormat nalluttorsiorpalaarnikkut Ilimmarfimmi ilisimatusarfiup pisortaata Klaus Georg Hansenip soraarummeersut 23-it allagartaat tunniuppai, taakkualu HD-p immikkoortuata aappaani angusisimapput, taannalu tassaavoq inuussutissarsiutinik aningaasarsiornermi diplomitut ilinniagaqarfik.
Soraarummeertut 23-t maanna allagartartaarput ingerlatsivinni, kattuffinni pisortallu suliffeqarfiini aningaasatigut aqutsinikkullu suliassat ajornakusoortut naammassisinnaanissaannut.
Ukioq manna soraarummeertunut oqalugiartuuvoq Tele-Postip pisortaa Michael Binzer, taannalu soraarummeertut ilaannut tallimanut pisortaaneruvoq.
– Angusarissaarniassaasi, anguniagaqaritsi ingerlatsivinnillu suliffigisassinnik inuiaqatigiinnillu nikisitseqataagitsi, Michael Binzer HD-nut nutaanut kajumissaarivoq.
Binzerip tikkuarpaa piginnaasat nutaat pissutigalugit imminut nutaanik piumasaqaateqartoqalissasoq, minnerunngitsumik soraarummeertut ilisimasat paasisallu nutaat siammarsalerpatigut suliffimminnut uterunik.
Soraarummeertunut oqalugiarnermini rektorip Tine Parsip nuannaarutigalugu oqaatigaa Ilisimatusarfiup 2009-miilli Aalborg Universitet suleqatigalugu inuussutissarsiornermi aningaasarsiornermut diplomitut ilinniagaqarfimmik ingerlatsisinnaalersimanera.
– Maanna piginnaaasaqalerpusi atortussat naleqquttut atorlugit nunatsinni ingerlatsivinni suliffissinni ajornartorsiutit misissornissaannut, Tine Pars ilaatigut oqarpoq.
Ilisimatusarfiup HD-mi immikkoortup aappaanik ingerlatsisussat holdit nutaat aallartisalerpai. Qinnuteqarnissaq kingulleq tassaavoq aggustip aallaqqaataa, ilinniagaqarnerlu septembarimi aallartinneqassaaq. HD-p immikkoortuata aappaa nangitsilluni ilinniagaqarfiuvoq piffissap ilaannaa ingerlanneqartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER