Skip to main content

KAIR: Aningaasaataasivipput imaarutilinngilaq

Mittarfinnik ingerlatseqatigiiffik Kalaallit Airports International A/S aningaasanik maannakkorpiaq amigaateqanngilaq, Nuummili Ilulissanilu mittarfiit ingerlanneqarnissaat missingersuusiarisimasanit akisunerulersinnaapput, pisortaq Jens Lauridsen ilisimatitsivoq.

Kalaallit Airportsimi pisortap Jens Lauridsenip nassuiaatigaa, ingerlatseqatigiiffik 900 millioner koruuninik taarsigassarsiniarluni sooq taarsigassarsiffissarsiornersoq.

Aamma atuaruk: KAIR immikkut 900 mio. koruuninik taarsigassarsiniartoq

Kalaallit Airports Internationalimi aqutsisut timmisartoqarfiliornerit ingerlanneqarneranni qanoq aningaasartuuteqartoqartigissanersoq ilisimanerulersimavaat.

Nuummi Ilulissanilu mittarfissat aallaqqaammut 3,0 milliarder koruuninik akeqartussatut missingerneqarsimapput, 900 millioner koruuninillu immikkut taarsigassarsiat tamakkiisumik atorneqassappata akiligassat 3,9 milliarder koruuninngorsinnaapput.

Aningaasanik amigaateqartoqaleriasaanngitsoq

- 900 millioner koruuninik taarsigassarsiffiusinnaasunik ujaasilluta aallartinnerput piffissaagallartillugu iliuuseqarneruvoq. Aningaasanik amigaateqaleriasaanngilagut. Aamma aningaasanik tamanik atuisariaqalersinnaanerput ilimananngilaq, Jens Lauridsen ilisimatitsivoq.

Taassuma erseqqissaatigalugu oqaatigaa, immikkut akiligassaq timmisartoqarfinnut akitsuutitigut bilitsit akitsorneqassappata ilaasunut akiligassanngorsinnaaneranik ingerlaannartumik isummertoqarsinnaanngitsoq.

- Maanna immikkut ittumik taarsigassarsigaluaruttaluunniit timmisartoqarfiit taakku marluk imminnut akilersinnaasuussapput. Ilaasartut immikkut akiligassanut akiliuteqartinneqarnissaannut taarsiullugu sinneqartoorutissat annikillisinneqarsinnaapput. Tamanna niuernikkut pilersaarutissatta erseqqinnerusumik paasinarsisissavaa, pisortaq oqarpoq.

Munch Gruppen isumaqatiginninniarfigineqartut

Taassuma oqaatigaa, taarsigassarsiat 900 millioner koruuniusut Munck Gruppenimut Nuummi Ilulissanilu mittarfiliortunut immikkut akiliutigineqartussatut oqaatigissallugu eqqortuunngitsoqt.

Siulersuisuni siulittaasup Kjeld Zacho Jørgensenip januaarip qaammataani Sermirtsiaq.AG-mut ilisimatitsissutigaa, killiliisimallutik tassungalu atatillugu Munck Gruppenip naatsorsuutiginngisamik aningaasartuuteqartussaanera pissutigalugu immikkut qanoq annertutigisunik akilerneqassanersut pillugu isumaqatiginninniarfigilersimallugit. Siulersuisuni siulittaasup isumaqatiginninniarneq qaammatini arlalinni ingerlanneqassasoq nalilersimavaa.

Aamma atuaruk: Ny forretningsplan på vej i lufthavnsselskab

- Mittarfiit taakku marluk sananeqarnernerat ingerlanneqarnerallu qanoq akeqassanersoq pillugu aningaasatigut missingiisoqarmat annikitsualuit ilanngullugit missingiisoqarsimanngilaq. Sulialli maanna ingerlangaatsiareerneranni immikkuualuttunullu tunngassuteqartut paasisaqarfigileratsigit oqaatigisinnaavarput, ilaatigut oqartussat piumasaqaataat suliamut akitsorsaataasimasut, pisortaq ilisimatitsivoq.

Assersuut

Akitsorsaataasimasutut assersuutigivaa, timmisartoqarfinni isumannaallisaanermut piumasaqaatit sakkusineqarsimanerat, tamatumalu malitsigisaanik akiligassat qaffassimasut.

Mittarfinnik ingerlatseqatigiiffiup taarsigassarsiffissarsiorsinnaanera piginnnittut marluk, tassa Namminersorlutik Oqartussat Danmarkillu Naalagaaffiata akuersaarsimavaat. Tassa aningaasat Nunatta Karsianit aaneqarnissaat matumani pineqanngilaq.

Aamma atuaruk: Anlægsudvalg er bekymret over merudgifter til lufthavne

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER