KAIR immikkut 900 mio. koruuninik taarsigassarsiniartoq

Kalaallit Airports International A/S-ip Nuummi Ilulissanilu mittarfiliorniarnermini aningaasaqarnikkut ajornartorsiorami 900 millioner koruuninik taarsigassarsisinnaanini sulissutigaa. Kalaallit Airports International A/S-ip Inatsisartut Sanartornermut Ataatsimiititaliaanut ataasinngormat ilisimatitsissutaani tamanna takuneqarsinnaavoq, ilisimatitsissut Sermitsiaq.AG-mit pissarsiarineqarsimavoq.

Danmarkip naalagaaffia timmisartoqarfiit taakku marluk sananeqarnissaannut piginneqataalermat aningaasatigut atugassiissutit 3 milliarder koruuniupput. Taamaalilluni missingersuusiarineqarsimasut 30 procentimik qaangerneqarsimapput.

Kikkunnit taarsigassarsiniarnersut nalunartoq

Taamak annertutigisunik kikkut taarsigassarsisinnaanersut erseqqissumik suli oqaatigineqarsinnaanngilaq. Sanaartornermut Ataatsimiititaliami politikkerinut ilisimatitsissummi allassimavoq ”aningaatigut niuerfimmi taarsigassarseqqinnikkut imaluunniit taakku ataatsimoortinnerisigut 900 millioner koruuninik taarsigassarsisinnaaneq sulissutigineqartoq”.

Danmarkip naalagaaffia Kalaallit Airports International A/S-imi 33 procentimik piginneqataalermat oqaatigineqarpoq, sanaartornermi aningaasartuutissatut missingiunneqarsimasut annikinaarneqarsimasinnaasut.

Namminersorlutik Oqartussa Danmarkillu naalagaaffiata 2018-imi septembarip qulingani isumaqatisiissutaanni atuarneqarsinnaavoq, naalagaaffik taarsigassarsianik ilasisinaasoq:

- Sanaartornermi aningaasartuutit missingersuusioqqaarnermit (3,0 milliarder koruunit) annertunerulissappata imaluunniit sanaartornermi aningaasartuutissat ilaannut aningaasaliissuteqaqqinnissaq pisariaqartinneqalissappat naalagaaffik isumaqatigiissuteqarnikkut ingerlatseqatigiiffimmut taarsigassarsianik ilasisinnaavoq.

Aningaasat aallaqqaammut atugassiissutigineqartut

Nuummi Ilulissanilu timmisartoqarfissanut nutaanut aallaqqaammut aningaasaliissutaasut 3,0 milliarder koruunit imatut aaqqissuunneqarsimapput:

Namminersorlutik Oqartussat: 1400 mio. kr.

Naalagaaffik: 700 mio. kr.

Nationalbanken (taarsigassarsianik ilasineq): 450 mio. kr.

Nordisk Investerings Bank (taarsigassarsiat): 450 mio. kr.

Attaveqaatinut Naalakkersuisoq Karl Frederik Danielsen imaluunniit Kalaallit Airorts Internationalimi pisortaaneq Jens R. Lauridsen timmisartoqarfiliornissamut missingersuutit taamak annertutigisunik qaangerneqarsimanerat pillugu, aamma tamatuma assersuutigalugu timmisartoqarfinnut akitsuutit naggataatigut timmisartunut ilaasartunut tuttussat qaffanneqarsinnaanerat pillugu oqaaseqartinneqarsinnaasimanngillat.

Kujataani timmisartoqarfissaq aamma unammillernartoqartoq

900 millioner koruuninik missingersuutinik qaangiineq taamaallaat Nuummi Ilulissanilu mittarfeqarfissanut atuuppoq. Budgetoverskridelsen på 900 millioner kroner gælder udelukkende de to lufthavne i Nuuk og Ilulissat. Jens R. Lauridsenip qanittukkut Sermitsiaq.AG-mut ilisimatitsissutigaa, Qaqortumi timmisartoqarfissamut missingersuusiat aamma qaangerneqarnissaat ilimagineqartoq, taanna Namminersorlutik Oqartussat kisimik aningaasaliiffigisussaavaat. Kujataani mittarfissat illutassallu suli suliariumannittussarsiuunneqarput.

Aamma atuaruk: Kujataani timmisartoqarfiliorneq immikkut akiligassanik nassataqassasoq