Skip to main content

Kaffemaskiina kortsluttermat SAS-ip timmisartua miinnartariaqartoq

Timmisartoq 146-nik ilaasoqarluni USA-liartoq Kalaallit Nunaannut mittariaqarpoq timmisartup initaani pujorsunnilernera pissutigalugu

Ilaasut SAS-ip timmisartuanik Chicagoliartut 146-t amerikami illoqarfissuarmut aatsaat marlunngornerup ingerlanerani apuutissapput.

Timmisartup naalagaa ataasinngormat unnukkut aalajangerpoq isumannaatsuunissaq pissutigalugu Kangerlussuarmut miinnarniarluni.

Taamatut paasissutissiivoq AS-imi tusagassiisartoq Anna Nielsen.

Taassuma erseqqissarpaa minneq nalinginnaalluinnartumik pisimasoq.

– Timmisartup initaani pujorsunnilersimavoq taavalu timmisartup naalagaa aalajangerpoq timmisartorneq unitsinniarlugu. Isumannaatsuunissamut periusissat malilluinnarlugit iliorpoq, taanna Ritzaumut oqarpoq.

– Kingorna paasineqarpoq pujorsunninnera qularnanngitsumik kaffimaskiinamit kortslutersimasumit pisuusoq.

Ilaasut 146-t inuttallu qulit mittarfiup qanittuani inissinneqarput.

– Timmisartoq aqagu (marlunngornermi, aaqqiss.) aallaqqissinnaavoq. Misissorneqaqqaassaaq. Tamanna sivisujaassaaq, uagutsinnulli isumannaatsuuneq pingaaruteqarpoq, tusagassiisartoq oqarpoq.

Norskit aviisiata Stavanger Aftenbladip ilaasut ilaat marluk oqaloqatigisimavai. Taakkua oqaluttuarnerat timmisartortitseqatigiiffiup oqaluttuaanit allaaneruvoq.

Marluullutik sininniarsimapput pisoq immikkut ittoq pimmat. Siullermik timmisartup initaani qulliit marlussoriarlugit ikinneqarlutillu qaminneqartarsimapput.

– Taava timmisartup naalagaa oqaluttuarpoq motoorini aalaqartoq paasisimallugu. Aalat ikuallatsitsilersinnaapput, taamaattumillu Kalaallit Nunaannut miinnarniarput, Therese Engeseth aviisimut oqarpoq.

Ilaasut oqarfigineqarput timmisartup initaani innaallagiaq tamarmi qaminneqassasoq ikuallattoornissamut ulorianartoqarnera annikillisarniarlugu. Tamatuma saniatigut ilaasut eqqissisimaqquneqarput uiernaveersaaqqullugit - aamma minnermi qatserisartut biilii pingasut aggersut takugunikkit.

– Minneq nakkutigisaalluinnartumik pivoq, Engeseth.

– Tamarmillu ajunngillat.

Timmisartoq Airbus 330-300 nunatsinni nalunaaqutaq malillugu 17.51 mippoq. Akunnialunnguit tamatuma siornatigut Stockholmimit aallarsimavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER