Skip to main content

Kabelimik kittorartooqqinneq: Internetti qameqqinneqassaaq

Unnuaru nalunaaquttaq 03.00-imit 05.30-ip tungaanut internetti qameqqinneqassaaq. Kujataa aamma satelliteqarfiusut kisimik eqqugaassanngillat

Tele-Postip Canadami pilersuisuata nalunaarutigeqqammerpaa, Canadami pilersuisorisatsinni kabelimi fiberiusumi kittorartoqarsimasoq.

- Kittorarneq tamanna erngerluni suliarisariaqarpoq, tassami Nuup Upernaviullu akornanni sullitatta internetimut attaveerussinnaanerat tamarmi pisinnaalluarmat, Tele-Post tusagassiutinut nalunaarummi allappoq.

Internetti qaminneqassaaq

- Sullitatta annikinnerpaamik sunnerneqarnissaat pillugu, pilersuisorisatta kabeli fiberiusoq unnuaru, pingasunngornerup unnuaani, aaqqissuutissamaarpaa Kalaallit Nunaata nalunaaqutaa malillugu piffissami 03.00-imit 05.30-llu iluani. Aaqqissuunneqarnerata nalaani internettimut attaveqassanngilaq, Tele-Post allappoq.

Piffissaq pilersaarutaasoq sioqqullugu kittorartoortoqareersimassappat, taava internetimut attaveeruttoqassaaq, aaqqissuunneralu ingerlaannaq aallartinneqassaaq. Kalaallit Nunaata Kujataani innuttaasut Tele-Postip sullitai aammalu sullitai qaammataasakkoorlugu attaveqaatillit eqqorneqassanngillat, ilisimatitsissutigineqarpoq.

Qaqortup eqqaani aaqqissuussisoqareerpat

Internetimut attavik ajorteqqajaavoq, Nuummiit Upernavimmut isorartussuseq maannakkut taamaallaat imaatigut kabelikkut Canadamukartukkut internetimut attaveqarmat. Qaqortumi imaatigut kabelip kittorarnera aaqqissuunneqareerpat, taava Island aamma Canada aqqusaarlugit internetimut attaveqartoqaqqilissaaq, taamaalillutillu imaatigut kabelikkut attaveqarnerit allanngujaalleqqissapput.

- Umiarsuaq imaatigut kabelimik aaqqissuussiartortoq maannakkut kabelip kittorarfianiippoq, suliallu aallartinnissaanut sikup pernissaa utaqqiinnalugu, Tele-Post nalunaaruteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER