Kaammattuut: Qineqqusaarnermi innuttaasut TAMAASA eqqaamagisigit
Peqatigiiffiit arlallit Innarluutillit Illersuisuat Christina Johnsen siuttoralugu qineqqusaarnermi politikkikkut aalajangiiffigisassat annertuut kisiisa sammineqarnissat ernmusassuigaat. Taakku kaammaatuipput, qineqqusaarnermi inuit innarluutillit aamma sammineqartariaqartut.
Taakku politikkerinut kaammattuuteqarput, qineqqusaarnermi mittarfiliortitsinissaq, aalisarnermut inatsisiliornissaq namminiilivinnissamillu kisiisa pinnagit sammisat allat aamma ilanngunneqartariaqartut..
Taakku erseqqissarpaat, Kalaallit nunaanni inuit innarluutillit imaannaanngitsunik anguniagassanik inuiaqatigiit iluanni unammilligassaqartut.
- Inuit innarluutillit eqqartorneqaraangata imaanngilaq inunnik isumaginninnikkut politikki kisimi pineqartartoq.
Inunngornermiilli inuttut innarluuteqartoqarsinnaavoq, ataatsimut inunnut innarluutilinnut aaqqiissutissat iliniagaqarnikkut, suliffeqarnikkut, tunngaviusumillu toqqammavissat patajaatsut
eqqarsaatigineqartariaqarput, kaammattuummi oqaatigineqarpoq.
Uku kaammattuuteqarput:
- Christina Johnsen, innarluutillit illersuisuat
- Benny Kokholm, Landsforeningen Inooqat
- Karsten Høy, Landsforeningen Autisme
- Hans Reimer, K.N.I.P.K. – Handicapforeningen i Grønland
- Ezekias Therkelsen, Sugisaq, Foreningen for sindslidende og deres pårørende
- Julie S. Møller, Nuummi Gigtertut Peqatigiiffiat, Gigtforening i Nuuk
- Amandus Johansen, Innarluluutillit Peqatigiffiait, Nanortalik
Susassaqarfiit sisamat sammisassat
Qineqqusaarnermi susassaqarfiit sisamat ingammik sammineqartariaqartut, tusagassiuutinut nalunaarummi allassimavoq.
- Kommuunimi sulisut suliassarpassuarnik isumaginnittussat ikippallaaqaat. Sullissisut ikippallaaneri peqqutigalugu meeqqat atugaannut tunngasut paasiniagassat sivisuallaartaqaat, inuilluinnarluutillit ilaqutaanullu siunnersuineq ilitsersuinerlu naammaginanngilaq, ikiorneqanngitsutut immikkoortortaqarfinniit immikkoortortaqarfinnut allanut uteqattaajaartinneqartarnerat pisortat tungaaniit naammaginanngilaq.
- Inuit innarluutillit ikiorlugillu ikorfartuisussat assaat kissalaartut ikippallaaqaat, ikorfartortillu inuit taarseraappaallaarlutillu ilinniarteqqinneqartarnerat amigarpallaarpoq.
- Inuit innarluutillit pitsaanerusumik inissaqartinneqartariaqarput. Inuit innarluutillit massakkut najugaqarfigisaasa amerlanerpaartaat ajungaaramik isateriaannaapput.
- Meeqqat atuarfianni atuartut immikkut atuartinneqartartut suli amerlanerit atuarfik qimatsinnagu.inaarutaasumik soraarummeersinneqartarnissaat anguniarneqartariaqarpoq.