Skip to main content

Juullisunnitsut Tasiilami meeqqanut nassiunneqartut

Juulliararnissaanut qaammatit marluujunnaarmata Juullip inuata ikiortai juullimut piareersalereersimapput.

Arctic Group CoolUnitelu suleqatigiissallutik isumaqatigiissuteqaqqammerput. CoolUnite tassaavoq suliniuteqaqatigiiffik meeqqanik atugarliortunik napparsimasunillu ikiuiniartartoq. Arctic Group aamma CoolUnite Tasiilami juullerpalaartitsisoqarnissaanut ikiuutissallutik isumaqatigiissuteqarput.

Arctic Import, suliffeqarfik Arctic Groupip ataaniittoq, nittartakkamini taama allappoq.

Arctic Import ilisimatitsivoq Martin Lyngsdal, Tasiilami kantinami igaffimmi pisortaasoq ilaqutariinnut meeqqanullu juullisiornissamut akissaqanngitsunut ukiut tamaasa juullilernerani juullerpalaartitsisartoq. Martin Lyngsdal Arctic Groupimit CoolUnitemillu ukioq manna tapersersorneqarpoq.

- Tassunga pingaaruteqartorujussuuvoq juulliaraq meeqqat ullorissagaat. Martin siorna tapersersorneqarpiarsimannginnami juulli oqitsuinnaasimanngilaq. Arctic Groupip CoolUnite suleqatigalugu aalajangerpoq Martinip ukioq manna juulliararsiortitsinissaani ikiorniarlugu. Neriuppugut ikiuunnitsinni meeqqat nuannaarluarumaartut, ukioq mannalu juulli qiimanarnerulaarumaartoq, Arctic Import allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER