Skip to main content

Juullip nipitittagaa saqqummiunneqarpoq

Ukioq manna juullimut nipitittagaa Nuka Godtfredsenimit ilusilersugaavoq

Issi qeraarpalaarlu. Nissimaaq nissiaraatinilu qoorortuuaralerlutik angerlarujoorput. Juullimut nipitittakkamut ilusilersuisup qalipakkani taama oqaasertalerpaa.
- Juullip inua piniariarsimalluni tikippoq, aqissimasimaqaaq, pisaqarluarsimanermini tuniserusuppoq taamaattumik agguaaniarpoq, tassami juullilivippoq, Augusta Jeremiassen Juullip nipitittagaani siulersuisunit oqalugiaatimini ippassaq arfininngornermi ilaatigut taama oqarpoq.

Juullip nipitittagaa uani pisiariuk

'Julemandala'
Nuka Godtfredesenip suliaanut ilisarisimannilluartunut nissimaaq ilisarineqarsinnaassajunnarsivoq. Andalamiuna niisimaanngorlugu titartarneqarsimasoq, taannalu poortukkanik agguaassisoq Julemandalamik atserneqarsimavoq.
- Taamaattumik suliami kusanartumi ileqqoq kusanartoq amerlasuunit suli atorneqartoq ersersinneqarpoq, agguaasarneq tunisisarnerlu, Augusta Jeremiassen oqalugiarnermini oqarpoq.

Kulturikkut nersornaat
Juullip nipitittagaata saqqummiunneqarneranut atatillugu aamma ukiup eqqumiitsuliortutsialaa toqqarneqarpoq. Nersornaat taalliortumut qalipaasumullu Frederik 'Kunngi' Kristensenimut tunniunneqarluni.

Nalliuttorsiornermit assit ataani takukkit:

 

 
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER