Juullip inua Nuummut missasoq
Juullip inua ileqquusoq malillugu juulliaqqami Nuummut missaaq. Siorna pisoq assigalugu katersuuttoqangaatsiarnissaa pinngitsoortinniarlugu sumiiffinnut sisamanut mitsinneqassaaq.
Pissutsit assigiinngitsut juulli nuannersuutillugulu ileqquliussimasat atuutsittarpaat. Ukioq manna Nuummiut immaqa aputeqanngitsumi juullisiussapput, juullilli inua pisarnermisut qulimiguulimmut ilaalluni tikiuttassaaq.
Covid-19 peqqutaalluni sisamanik sumukarfissanik miffeqarumaarpoq, qanittuanilu najugaqartunut tikilernerani peqataasinnaasut kaammattuutigissuarput, Air Greenland Facebookikkut allappoq.
- Innersuutigaarpullu immissinnut qallivallaannginnissarsi. Nakorsaanerminngaanniit nalinginnasoq atorneqartoq innersuussutigineqarpoq, nalunaarummi allassimavoq.
Juullip inua ataasiaannarluni takusarneqassasoq
Ukioq manna juullip inuanik timmisartuussineq, Peqqinnissaqarfik, Nuuk Politi, Air Greenlandi, Issittumi Sakkutooqarfik, Upalungaarsimasut, Materielgården kiisalu Mittarfeqarfiit suleqatigiinnerisigut ingerlanneqassaaq.
Aamma Brugseni Pisiffillu juullisunnitsunik tunissuteqartuussapput.
Qinngorput siulliullugu miffigineqassaaq, tulliullugu ujakkaarluni Ikaartarfeeqqap eqqaani, pingajuattut Tuapannguit naanerani kingullertullullu siornatigut pisartutut Dronning Ingridip napparsimavissuata eqqaa. Inussiarnersumik qinnuigissavassi miffimmut ataasiinnarmut orniguteqqullusi.
- Tassa najukkannut qaninneq kisiat orniguffigissavat. Nuannersumik coronamullu isumannaatsumik misigisaqarnissarput qilanaaraarput. Juullisiorluakutsoorisi, Air Greenland allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...