Juulli nuannernerpaajunngikkaangat
Juulli tamatigut inunnut tamanut aliannaarsaarfiullunilu nuannisarfiuneq ajorpoq. Tamanna 38-nik ukiullip Aviaq Brandtip oqaluttuarisinnaavaa. Maanna inuusuttunut isaassivoq oqaluttuarninilu atorlugu inoqatini ikiorniarlugit.
- Nerigaangavit talitit kivittarnagit. Ikusitit nerrivimmit peerlugit. Unillutit.
Naalakkiuterpassuupput, aamma Aviap angerlarsimaffiani juullimi nereqatigiinnermi.
Aviaq imigassamik pinngitsuuisinnaanngitsup panigaa, tamannalu ulluinnarni inuuneranut meeraallunilu juulliararsiortarneranut sunniuteqarsimavoq.
– Juullisiortarnerput qeratasupilussuuvoq, Aviaq Brandt oqarpoq.
Suliniummi aqutsisoq 38-nik ukiulik ingerlatseqatigiiffimmik Happy Greenlandimik pilersitsisuuvoq, ilaatigut nammineq oqaluttuarisaanini misilittakkanilu inuusuttoqatiminut artornartorsiortunut ingerlateqqikkusuttarlugit – soorlu nammineq inuunermi ilaani misigisakkaminik. Ingammillu juulli ajornakusoortarpoq. Tamanna nammineq misillerfigisimavaa.
– Angajoqqaakka sapinngisartik tamaat atorlugu juullimik nuannersumik pilersitsiniartarput. Orpik anaanama periaasia malillugu pinnersarneqartarpoq – uagut meeqqat ikiuuteqqusaanngilagut. Konfektit sukkulaamik qalleqqissaarneqarsimassapput, naammaqqissaartumik tunguusamik nakkalaarsimasussaallutik. Juullilli tamaasa aaqqiagiinngitsoqalersarpoq. Sissueqqissaarluni inuunerup kingunerisartarigunagaa. Sunnguamik pisoqalaaraangat suut tamarmik isasarput, Aviaq oqaluttuarpoq.
Allaaserisaq tamakkerlugu Arnanut-mi nutaami atuarsinnaavat. Arnanut uani pisiarisinnaavat: