Issisiortoqassaaq
Juulli aatsaat taama qiianartigissaaq
Juullikkunni sineriak tamakkerlugu aatsaat taama nillertiginiarlerpoq
Juulleriartornerani Nuummiut issisiut 25-t angullugit issuttarnissaa piareersimaffigisassaa ilagaat. DMI-p silassamik ilimasaarutaa naapertorlugu ukioq 2000-lli kingorna aatsaat taama issisioqqittoqaqqissasoq paasinarsivoq.
30-nik unnuami ississaaq
Illoqarfiit pingaarnersaani Qaanaamisut issitsingingajassaaq. Unnuami 30-t angullugit issinnissaa ilimasaarutigineqarmat, ullukkullu 25-t angullugit issittassangatinneqarluni. Tassa issisiornissaq piareersimaffigineqartariaqarpoq.
Siorna juullikkunni unnuami issinnerpaffik 34,1-miittoq nalunaarsorneqarpoq.
Iluliarmiut 23-t angullugit issisiortarnissartik naatsorsuutigissavaat, 24-anili Sisimiuni Maniitsumilu kiannerulaassangatinneqarluni.
Tunumi kiannerussaaq
Qaqortumi Nanortalimmilu issisiut 20-t tungaanuussaaq, Narsami juulliaqqami 15-t angullugit ississangatinneqartoq.
Tasiilami sineriammisut issisiortoqassanngilaq. Issisiummi tallimat missaaniissasoq ilimasaarutigineqarpoq.