Skip to main content

Juulleqanngitut juulliat kalaallit juullisiutaannik ammarneqarpoq

Aviaja Lumholt, Pauline Lumholt, Karina Møller, Else Møller aamma Sara Olsvig Christianiami ´Juulleqanngitsut juulliat´ ammarlugu kalaallit juullimi tussiutaannik atuipput

Kalaallit juullimi tussiutaat ilisimaneqartut soorlu "Inoqartikka ukorsii", "Qaa avilortuaritsi", "Juullimi qiimasuttut" aamma "Guuterput" arnanit erinarsortartunit ilisimaneqartunit atorneqarput, anaanagiinnit Pauline aamma Aviaja Lumholtimit, qatanngutigiinnit Karina aamma Else Møllerimit kiisalu folketingimut ilaasortamit Sara Olsvigimit.
Tamanna pivoq juulliaqqami Christianiami Den Grå Hal-ip saavani, tassani ´Juulleqanngitsut juulliannut´ tikilluaqqusillutik.
– Taamatut kalaallit juullisiutaannik tunniussilaarluni nuanneqaaq, erinarsortartoq eqqumiitsuliortorlu Karina Møller Sermitsiaq.AG-mut oqarpoq.
– Neriussimagaluarpugulli kalaallit amerlanerussasut, marlussuinnaalli takkupput. Inuilli tussiutit atorlugit juullerpalaartitsineq nuannaraat, Karina Møller oqarpoq.
Den Grå Hal-imi qaaqqusat ikinnerpaamik 1.300-uupput, tassani angerlarsimaffeqanngitsunut, kisermaanut inunnullu ilaqutaqanngitsunut akeqanngitsumik sassaalliutigineqarlutik puulukimineq siataq, nersussuaq siataq, neqitornaveersaartut nerisaat, qaqorteqqasut kinertut, kaffi, juullip kaagii mamakujuttullu.
Killitsittoq
Kalaallit kisermaat arlallit Christianiami juullisiortut Sermitsiaq.AG-p naapippai. Kalaaleq arnaq 50-inik ukiulik, aaqqissuisoqarfiup aqqa ilisimasaa, aaqqissuussinermut kalinneqarsimavoq. Najukkamini kisimiilluni juullisiortussaasimagaluarpoq.
– Ikinngutinnit najukkannut aaneqarpunga. Aaqqissuussinersuaq killitsissutigeqaara. Aaqqissuussisut torrallaasimapput. Aaqqissuussinerlu naallugu kissalaarnersuaq inussiarnernersuarlu nalissaqanngillat, arnaq taanna oqarpoq.
– Ilaquttanni qanigisara annaaqqammersimavara kisimiillungalu angerlarsimaannarusukkaluarpunga, ikinngutimali pinngitsaaliusarlunga ininnit annippaanga, immaqalu tamanna ajunngeqaaq. Naamik, takkukkama peqqissiminngeqaanga. Maani nerisassaqarpoq, inuit kissalaartuupput nipilersortoqarlunilu. Kikkullu tamarmik qungujulapput juullimilu qiimallutik, taanna oqarpoq.
Nerinerup kingorna scenemit naalagiartitsoqarpoq. Palasip Lotte Høst Hansenip, Vor Frelsers Kirke-meersup, juullip iivangiiliua atuarpaa inimit ersaartaanneqarluarluni. Tussiutit ´Det kimer nu til julefest´, ´Et barn er født i Betlehem´ aamma ´Glade Jul, Dejlige Jul´ atorneqarput.
Tamatuma kingorna blues-imik nipilersortartut ´Søs og Murphy´ juullimi qittatsitsipput unnuakkut nalunaaqutaq 02.00 aatsaat naammassisumik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER