Skip to main content

Juulimi atuarneqarnerpaasimasut

Corona nutaarsiassani suli initunerpaavoq. Juulip qaammataani ilanngutassiat atuarneqarnerpaasimasut tunillaassuuttoqarneranut coronamullu atatillugu killilersuutinut tunngassuteqarsimapput.

Nutaarsiassaalitsisoqaraangat suliassaalatsisoqartarpoq. Aasaanerani taamaakkajuttarpoq.

Juulip qaammataani allanik nutaarsiassaateqarpallaarani coronamut atatillugu nutaarsiassaqarnerusimavoq. Tamanna qaammammi ilanngutassiat atuarneqarnerpaasimasut naatsorsorneranni takuneqarsinnaavoq.

      1. Piumasaqaat nutaaq: Akiuussutissalerneqarsimasut kisimik              angalasinnaapput

Naalakkersuisut kikkut tamarmik ilaaffigisinnaasaannik atuisoqassappat akiuussutissalerneqarsimanissamik atuutsitsilerniarlutik aalajangermata oqallisigineqaqaaq. Inuit akiuussutissalerneqarsimanngikkaluarlutik nunap ilaanut nunanulluunniit allanut angalasarnerannik isornartorsiuisoqaraluartoq tamanna iluaqutaasimanngilaq. Piumasaqaallu sivikitsuinnarmik atuutsinneqarpoq, tassa ullut pingasut ingerlariiginnartut piumasaqaat atorunnaarsinneqarmat.

      2. Nuummi aqunneqarsinnaanngitsumik tuniluuttoqalersoq

Sapaatip akunnerata naanerani illoqarfiit pingaarnersaanni tunillatsissimasunik arlalinnik paaasinnittoqarmat ernumasoqartoq malugineqarsinnaasimavoq, tassa kina tunillaasimanersoq ilisimaneqanngimmat.

Tamatuma malitsigisaanik innuttaasorpassuit misissortikkiartoqquneqarsimapput, ullunilu tulliuttuni misissuisarfiup silataani utaqqillutik tulleriaattorpassuit hunnorujunik arlalinnik amerlassuseqarsimallutik.

      3. Tunillatsissimasut nutaat arfinillit

Juulip qaammataani atuarneqarnerpaasimasut pingajuat tunillatsissimasunut nutaanut tunngassuteqarpoq. Tuniluuttoqalermat oqartussat nunamik matusissanersut matusissannginnersulluunniit, aamma inuit qassit covid-19-imut akiuussutissalerneqarsimanersut oqallisigineqapallalerput. Oqartussat nunami tamarmi juulip qaammataani ornigutiinnarluni akiuussutissalertissinnaaneq atuutsilerpaat, tassani kikkulluunniit tamarmik siullermeersumik aappassaanilluunniit kapitikkiartorsinnaallutik. 

Juulip qaammataani ilanngutassiat atuarneqarnerpaasimasut aqqanilissaanni aatsaat coronamut tunngassuteqanngitsumik ilanngutassiaqartoqarsimavoq. Tassani pineqarluni arnap periarfeerunneqarsimasup Qaqortumi toqungalluni siumorneqarsimaneranik oqaluttuaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER