Skip to main content

Justus: Naluttarfiliortoqarnani inissialiortoqarli

Tasiilaq naluttarfimmut sanilliullugu inissianik, inunnut neqeroorutinik aamma suliffeqarfinnik pisariaqartitsineruvoq, Justus Hansen Demokraatineersoq oqarpoq.

Kommuneqarfik Sermersuumi aappaagumut missinngersuutissaq isumaqatiginninniutigineqarpoq, Siumumiillu kommunimi illuatungiliuttuusumi, partiip isumaqatiginninniarnermi qitiutillugit sammineqartussatut kissaatigisai saqqummiunneqarsimallutik.

Partiimit ilaatigut siunnersuutigineqarpoq Tasiilami naluttarfiliortoqassasoq, illorfiulli tamanna pisariaqartinngilaa, Justus Hansen Demokraatineersoq oqarpoq:

- Tasiilaq inissianik, inunnut neqeroorutinik aamma suliffeqarfinnik pisariaqartitsivoq, aningaasallu atugassagut isumatusaartumik atortussaavagut. Taamaattumik Siumut hundrede millioninik arlalinnik akeqartussamik siunnersuuteqarnera mamiasuutigivara, ullumikkut illoqarfitsinni ajornartorsiutigisatsinnik aaqqiissutaasinnaanngitsumik, Justus Hansen tusagassiorfinnut nalunaaruteqarnermi oqarpoq.

- Sanaartortitsiniarneq ajornakusoortoq

Justus Hansen Tasiilami najugaqarpoq, Kommuneqarfik Sermersumilu Sanarfinermut Avatangiisinullu Ataatsimiititami siulittaasuuuluni.

Taassuma oqaatigaa, Tasiilami sanaartortitsiniarneq ajornakusoorsinnaasoq:

- Sanaatornermik suliaqartut entreprenørit Tasiilami suliassanik annertuunik suliaqartinniarnerat ajornakusoortorujussuusoq nalaattarparput. Kommunip suliariumannittussarsiuussinerinut neqeroortoqarneq ajorpoq. Sanaartornissamik periarfissagut, isumaga malillugu inissianik pissarsinissatsinnut atorneqassapput. Siumut ataqqinarsaammik suliniutaanuunngitsoq, taanna oqarpoq.

Ingerlatsivik: Innuttaasumut ataatsimut 20.000 koruunik akeqassasoq

Kommunalbestyrelsimi ilaasortap Laura Taunâjik Uitsatikitsup (S) Tasiilami naluttarfiliortoqarnissaanik siunnersuutaa Kommuneqarfik Sermersuumi ingerlatsiviup juulip qaammataani suliaraa.

Sanarfinermut Avatangiisunullu Ingerlatsivik tassunga atatillugu allappoq, naluttarfik sunngiffimmilu periarfissat Tasiilami piumaneqarluartut peqqissutsimut inuttullu atukkatigut iluaqutissarpassuaqartut.

Ingerlatsivimmi aamma oqaatigineqarpoq, naluttarfiit sanaartorneqartarneri ingerlanneqartarnerilu akisuupilussuusut:

- Danmarkimi ukiuni kingullerni naluttarfiliortarnerit 40 aamma 225 millioner koruunit akornanni akeqartarput. Oqaatigineqassaaq Tasiilami kvadratmeterimut akigititaq Danmarkimi akigititanit qaffasinnerujussuusoq. 40 millioner koruuninik akeqassasoq aallaavigissagutsigu, sanaartornerup aki atuisumut ataatsimut 20.000 koruuninik naleqassaaq.

- Naatsorsuutigigaanni ingerlatsinermi aningaasartuutissat Nuummi naluttarfiup ingerlanneqarneranut aningaasartuutaasartut affarissagai, Tasiilami naluttarfiup ingerlanneqarneranut ukiumut 4,5 millioner koruuninik tapiissuteqartoqartassaaq, tassa naluttarfimmik atuisumut ataatsimut 2.500 koruuninik naleqartassalluni, ingerlatsivik siunnersuummut tunngatillugu allappoq.

Tamanna tunngavigalugu ingerlatsivimmit inassutigineqarpoq, siunnersuut 2021-mi sanaartornissamut missingersuutit suliarineqarnerannut atatillugu suliarineqassasoq.

2021-mut missingersuutit eqqissilluni sulinissamut annertuumillu takorluuisinnaanermut periarfissiivoq
Inuit Ataqatigiit, Demokraatit aamma Suleqatigiissitsisut kommunalbestyrelsimi amerlanerussuteqarlutik taasineratigut 2021-mut missingersuutit inaarutaasumik akuersissutigineqarput. Immikkoortunut...
Ineqarnermut tunngasoq: Naalakkersuisut amigartooruteqarlutik attartortitsisarput
Namminersorlutik Oqartussat ineqarnermut ilusilersueriaaseq, Kommuneqarfik Sermersuup saassutarineqassutigisaanik, namminneq atorpaat.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER