Inatsisartut
Justus aamma Naaja: Qinngarsuilluni oqalugiarneq unitsinniarli
Partii Naleqqap Kalaallit Nunaat Afrika Kujallermi ammit qalipaataanik immikkoortitsillutik
Nunatsinni oqaatsitigut aporfeqarnerput aamma ilinniarsimassutsikkut appasissumik inissisimasugut aamma isertitat nikingasorujussuunerat eqqorpoq.
Partii Naleqqalli aaqqiissutissatuaa tassaavoq, suli annertunerusumik avissaartuutsitsiniarsarineq kiisalu kalaaliviunngitsunut nikassaaneq.
Immikkoortitsineq
Inatsisartuni ilaasortat marluk, attaviittoq Naaja Nathanielsenip aamma Justus Hansenip Demokraatineersup, marlunngormat Inatsisartuni oqalllisereerlutik tamanna naqissuserpaat. Tassani Partii Naleqqap Afrika Kujallermi ammit qalipaataanik immikkoortitsilluni aqutsinermut Kalaallit Nunaat assersuuppaa.
Taakku polikerit marluk tikkuartorpaat, Kalaallit Nunaanni ajornartorsiuterpassuit 'uangut nammineq oqartussaatilluta pinngorarnikuummata', taakku oqarnerattut.
Pisoorsuit ikittuinnaat iluanaarniapiluttut
- Suaattartuaannarsinnaanngilagut ‘pisoorsuit ikittuinnaat iluanaarniapiluttut’ arlaannik ajornartorsiutinik siumuillutalu. Ammip qalipaataa tunngavigalugu nunatsinni immikkoortitsisoqanngilaq. Aamma kalaaliuneq, danskiuneq allamiuunerilluunniit pissutigalugu inatsisitigut immikkoortitsisoqanngilaq, Naaja Nathanielsen aamma Justus Hansen tusagassiiutinut nalunaarummi oqarput.
Atuaruk: Siulersuisuni danskit killilersorneqarlik