Julie periarfeerunneqarpoq
Østjyllandip Politiivi, Julie Nathanielsen sapaatip akunnerisa pingasut matuma siorna tammaaneqalersoq pillugu paasissutissanik nutaanik pissarsisimanngillat
Julie Nathanielsen 58-inik ukiulik pingasunngornikkut januaarip arfineq-pingajuanni Frydenlundcenterimi Aarhusimiittumi kingullermik takuneqartoq Østjyllandimi Politiit ippassaq ujaarilerpaat.
Julie Nathanielsenilli sumiissinnaanera pillugu maannamut ujaasineq kinguneqanngilaq.
Tammaaneqartup ilaqutaasa qularaat imminut isumasiginnaanera. Siusinnerusukkut piffissami sivikitsumi, ilaatigut ullut tallimat tikillugit tammaqqasarsimavoq, maannakkutulli sivisutiginngitsumik. Ujaarineqartoq oqarasuaateqanngilaq kinaassutsiminullu uppernarsaatinik arlaannik tigummiaqarani, Østjyllandip Politiivi innuttaasunut saaffiginninnerminni ilisimatitsipput.
Julie Nathanielsen ima nassuiaatigineqarpoq:
58-inik ukiulik
160 cm-it missaannik angissusilik
Tuattoq
Takkajaanik qernertunik nujalik
Kingullermik takuneqarami kavaajaq qarliillu qernertut atorpai
Julie Nathanielsenip sumiinneranik paasissutissaatillit takunnissimasulluunniit politiinut oqarasuaat 114 atorlugu saffiginneqquneqarput.