Skip to main content

Julie: Kikkut tamarmik ilumoorlutillu ilumuunngillat

Erinarsortartup Julie Berthelsenip tupigaa qungasersuup Mariusip toqunneqarneranut oqallinnermi sumiuussuseq ilanngunneqarmat

- Akeqqissinnaavunga. 

Uumasuusivissuarmi Københavns Zoo-mi qungasersuumik toqutsisoqarnera oqallisigingaatsiarneqarpoq. Nunarsuaq tamakkerlugu aalassassutaavoq. Allaat uumasuusiviup pisortaa toqunneqassasoq siorasaarisoqarluni. Erinarsortartup Julie Berthelsenip aamma qungasersuumik Mariusimik toqutsineq isummersorfigaa, ilaatigut Sermitsiaq.AG-p oqallittarfiani inunnit assigiinngitsunit isummersorfigineqarluni. 

Julie Berthelsenip isummersorneranut inuit ilaasa asuliinnartut isigaat, nuannareqqusaartuusoq ilaasa isummerfigalugu. Inuit isummersortut ilaat isumaqarput, Julie Berthelsen pisunut suunngikkaluanut sorujussuanngortitsisartoq isummersortoqarluni. Ilaasa aamma apeqquserpaat ilumut Julie Berthelsenip Kalaallit Nunaaninngaanneernini puigorsimaneraa, ilami aamma uumasunik toqutsisoqartarmat. 
Julie Berthelsen inunnut isummersortunut oqaaseqarpoq:

- Oqaaseqalaarniarpunga. Qujanaq qisuariaatissinnut, kikkummi tamarmik ilumoorlutillu ilumuunngillat, soorlu uanga aamma taamaattunga. Facebookimi allatara Sermitsiaq.AG-mit tiguneqarpoq. Akuerissagukku ataatsimik iliuuseqartariaqarput, ima allappunga: Hej! Immaqa. Aappaatigut, Sebastian Kleinip oqaaseqaataa uangalu oqaasiinut paasinninnikka ilanngunneqassappata. Uumasuusivimmi marlunnik avissaartitsivoq. Uumasunik naalliutitsinerullunilu uumasunik atatitsiniaammata. Isummersorneq eqquivoq, kikkunnullu isumaqataanerlunga oqaatigissanngilara. Tamanna tamakkulu ilanngussinnaagukkit?
Aaqqissuisoqarfiulli tamaasa ilanngutinngilai. Oqaatigisakkali Kalaallit Nunaanni pisartunut assersuunneqarput, tamanna akuerisinnanngilara. Sunummi tamanut illersortiunngilanga. Inuppassuit Marius susimanersoq nalugaluarlugu oqallittarfimmi isummersorput. Isummersornera taamaappoq, aamma tusagassiorfiit uanga ikkutakka pillugit saqqummiussinerat aamma immini piuvoq. Isumara allanngortinngilara. Suminngaannernera ilanngussorneqalermat, qanoq isikkoqarnera isummersorneqalermat peqataajumajunnaarpunga, tamakku uanga susassaqarfiginngilakka, aamma piffissaajaatigiffiginianngilakka. 
Kalaallit Nunaat pillugu isummersortut, kalaaliunera pillugu isummersortut nalunnginnerusussaagaluarpaat suna isummersuutiginerlugu. Kalaallit oqaluttuassartaannut, pinngortitaanut kusanartumut, pisuussutaanut, inunnut qanga maannakkullu inuusunut oqaaseqartarnikuuvunga. Ajunnginnerpaaq anguniarlugu oqaaseqartuaannarpunga. Sooq taava pisumut 'soorpianngitsumut' ajortisaaniarsarivisi? Kusanaq! Taamaalillunga oqaasissinnut taamatut akeqqippunga. Una pillugu isummersoqqissanngilanga. Ilissi isummersorfiginiarsiuk, Julie Berthelsen allappoq. 

Sermitsiaq.AG-mi atuartartut isummersoqquneqarput qungasersuup Mariusip toqunneqarnera qanoq isumaqarfigineqarnersoq. 
Uumasuusivissuarmi Københavns Zoo-mi nalunaarutigineqareerpoq qungasersuumik toqutsinissaq pisariaqarsimasoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER