Julie Edel Hardenberg nunani tamalaani iluatsitsilluartoq
Eqqumiitsuliortoq nuimasoq Schweizimi saqqummersitsinermi suliaminik saqqummersitseqataavoq
Julie Edel Hardenbergip suliani nunani allani piumaneqaleriartortut malugaa, ilaatigut eqqumiitsulianik katersisunit aamma Kalaallit Nunaata Danmarkillu avataani katersugaasivinnit.
Maanna annoraaminermik suliaminik 'Nipangersitassaanngitsut/Hidden(suppressed) Stories' Baselimi Schweizimi saqqummersitsinermut 'Le Soin des Possibles'-imut saqqummersitseqataavoq. Saqqummersitaq piffissami septembarip 14-annit oktobarip 12-annut saqqummersinneqartoq, Lotte Løvholmimit saqqummersinneqarpoq.
Saqqummersitap qulequtaa belgiamiup filosofip Isabelle Stengersip apersorneqarneranit isumassarsiaavoq, tassa ’Sapinngisamik paaqqinninnermik’ nutserneqarsinnaavoq.
"Le Soin des Possibles" Julie Edel Hardenbergip, Cassie Augusta Jørgensenip, Feministisk Kollektiv Uden Navnip, Tabita Rezairesip aamma Mina Squalli-Houssaïnip suliaannik imaqarpoq.
