Fiskeripolitik
Juliane: Siumup sangujoraartumik ingerlatsineranut uteeqqippugut
Karl Lyberthip, Siumumeersup, suliaa siulleq tassaavoq umiatsiaararsortunut kvartalikkaartumik pisassiisarnermik atorunnaarsitsilluni. Maanna taartissaanik amigaateqarpoq, Juliane Henningsen isumaqarpoq
Qaammatini tallimani qaleralinniarneq inerteqqutaavoq. Aggustip aallaqqaataani pilerngutassatut pisassiissutitut taaneqartartut nungupput.
Tamanna Juliane Henningsenip, IA, tupaallaatiginngilaa, taassuma ukioq manna januaarimi siunnersuutigigamiuk kvartalikkaartumik pisassiisoqartalissasoq. Taamaasilluni amerlaqatigiinnerusunik aalisartoqalissammat. Piniarnermut, aalisarnermut nunalerinermullu Naalakkersuisup Karl Lyberthip, suliaasa siullersaraat periutsip tamassuma atorunnaarsinneqarnear pilerngunneqarlunilu pisassatut taaneqartunik eqqussilluni. Maanna pisassat nungussimapput, Karl Lyberthilu taartissaminik saqqummiussassaaleqivoq. Aalisarnermi Siumut sangujoraartumik ingerlatsineranut uteqqippugut, Juliane Henningsen oqarpoq.
Taassuma erseqqissarpaa umiatsiaararsortunut kvartalikkaartumik pisassiisarneq aalajangiinerusimasoq eqqarsaatigilluagaq KNAPK-millu tapersersorneqartoq.
Aamma atuaruk: Aalisarneq eqaannerusumik ingerlanneqassaaq
– Periuserlu imatut ilusilersorneqarsimavoq, aalisartut suliffissuillu immikkut isumaqatigiissusiorsinnaallutik. Pilerngutassatut taaneqartunik aalisartitsinikkut pisassiissutit maanna sukkanerusumik nungunneqarput, taavalu suliffissaaleqinermik tamatumunngalu atatillugu kommunimut aningaasartuuterujussuarnik ajornartorsiutigisartakkanut uterpugut.Tamanna atasinnaanngilaq, Juliane Henningsen oqarpoq.
Aamma Sermitsiaq sapaatip akunnerani saqqummersoq atuaruk, ilaatigut aalisagartassiissutit pillugit KNAPK-p oqaloqatigineqarnera.