Skip to main content

Juliane Henningsen: Angerlarsimaffeqanngitsut ikilisarlugit

Inuit Ataqatigiit tunuliaqutaralugit Inatsisartunut qinigassanngortittut Juliane Henningsenip nunatsinni angerlarsimaffeqanngitsut ikilisarniarpai

Kommuneqarfik Sermersuup isumaliutigigaa illoqarfimmi unnuisarfimmi atuinermut sapaatip akunneranut 350 koruuninik akitsuusiisalerniarluni, Inuit Ataqatigiit tunuliaqutaralugit Inatsisartunut qinigassanngortittup Juliane Henningsenip angerlarsimaffeqanngitsut pitsaanerusumik atugassaqalersikkusuppai.

Juliane Henningsen naapertorlugu nunami tamarmi inuit 500 angullugit amerlassusillit angerlarsimaffeqanngillat.

– Angerlarsimaffeqanngitsuuneq taamaallaat Nuummi piunngilaq. Kommunit tamarmik angerlarsimaffeqanngitsunik innuttaqarput. Kommunit inuit angerlarsimaffeeruttut ikiorniaraangamikkit siunnersorniaraangamikkillu tunngavissaaleqisarput, Juliane Henningsen oqarpoq, isumaqarporlu angerlarsimaffeqanngitsut ikiorniarlugit politikkikkut atituumik isumaqatigiissuteqartoqartariaqartoq:

– Angerlartsimaffeqanngitsut ikiorserneqarnissaannut inatsiseqanngilagut, tamakkualu nunatsinni innuttaasut 1 procenteraat. Inuit 500-t pineqarput. Taamaalilluni inuttussuseq malillugu USA-mi pissutsinut nallersuussinnaavugut. Tamannalu tulluusimaarutissaanngilaq, Juliane Henningseni oqarpoq.

Inissialiortiterneq

Inuit Ataqatigiit angerlarsimaffeqanngitsut peqatigalugit februarimi ataatsimeeqatigaat atugarisaat paasinerorusullugit. Tamatuma kingorna Ilaqutariinnermut inatsiseqarnermullu Naalakkersuisoq Martha Lund Olsen isumasioqatigisimallugu.

– Tamatumani takusinnaavarput inuiaqatigiit atugarissaartut sanngiinnerpaat inissaqartinngikkaat, angerlarsimaffeqanngitsut ilanngullugit, Juliane Henningsen oqarpoq.

Taamaattumik Juliane Henningsen isumaqarpoq illoqarfinni inissaaleqiffiusuni inissialiortoqartariaqartoq:

– Maanna Naalakkersuisut Siumut Atassullu siuttuutillugit aningaasanut inatsisissatut saqqummiussaraluat inissialiornermik annikillisaaneq ilalernanngilaq; aamma ajornartorsiumut angerlarsimaffissaaleqisoqarnermut aaqqiissutaanavianngilaq, Juliane Henningsen oqarpoq nalingillunilu: 

– Tamatuma saniatigut atugarissaareersut illuliornissaannut tapiisarneq inger-latiinnarniarneqarluni. Tamanna nammaqatigiinnermik naapertuilluarnermillu tunngaveqanngitsoq isumaqarpunga. Illoqarfinni inissaaleqiffiusuni inissianik sanaartortoqartariaqartoq. Kiisalu susassaqartut assigiinngitsut atorlugit siunner-suineq pitsaanerusoq pilersittariaqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER