Skip to main content

Julia Pars: Timmisartunut akitsuutit takornariartitsinermik inuussutissarsiuteqartunit isumaqatigineqanngitsut

Takornariartitsinermik inuussutissarsiuteqartut imminut napatittumik aningaasaqalerniarnermik angusaqarniarnerat akitsuutinit nutaanit ajoquserneqarpoq, Visit Greenlandimi pisortaq Julie Pars taamak oqarpoq

Piffissaq takornariartitsinermut atorneqartartoq annertusisariaqarpoq takornariartitsisarneq aningaasatigut imminut napatissinnaassappat, tamatumalu malitsigisaanik pitsaalluinnartunik arlalinnik sunniuteqassappat.

Takornariartitsisarneq aasaaneranut ukiuuneranullu kiisalu piffissanut takornariat akunnattumik amerlassuseqarfiinut siammerterneqarnerisigut timmisartut unnuisarfiillu ulikkaarneqartassagaluarput, taamaalillunilu ukioq naallugu misigisassanik neqerooruteqartoqartarluni.

Naleqartitani tamani tamanna kaaviiaartitsilissagaluarpoq, tassa akunnermiliuttartunit, angalatitsivinnit, tikittartunit, unnuisarfinnit, akornariartitsisartunit tammajuitsussarsiniartarfinnut, angallassisartunut, katersugaasivinnut allarpassuarnullu kaaviiaartitsilissagaluarpoq. Tamanna piumaneqarluarpat ukioq naallugu suliaqarusuttut kajuminnerulissagaluarput aamma takornariartitsisarnerup iluani ilinniagaqarusunneq annerulissagaluarpoq. Taamaalilluni ukioq naallugu takornariartitsisarnissamik anguniagaqarneq pitsaasunik arlalinnik sunniuteqassaaq, Julie Pars Sermitsiaq.AG-mut ilisimatitsivoq.

- Sullissinerup atuutereersup atorluarneqarnerunissaa soorunami ajornannginnerusumik suliarineqarsinnaavoq, atorluaanerusoqassappalli annertuunik aningaasaliissuteqartoqartariaqarpoq maannakkorpiarlu aallartittoqartariaqarluni. Islandip iluatsissimavaa piffissamik takornariartitsiffiusartumik siammarterineq, tassa aasakkut ukiukkullu takornariartitsisarneq assigiinngikkunnaartillugu. Tamanna nalaatsornerinnarmik pisimanngilaq, ukiukkulli piffissanilu takornariat akunnattumik amerlassuseqartarfianni takornariartitsisarneq ineriartortinniarlugu nittarsaanniarlugulu siunnerfeqarsimanerup nassataanik anguneqarsimalluni, ilisimatitsivoq Julie Pars.

Pingaarutilik alla

- Pingaarutilik alla tassaavoq takornariat takornariarfissanut amerlanerusunut siammarterneqartarnissaat, tassa takornariarfigineqarnerusartuni timmisartut, qulimiguullit unnuisarfiillu ulikkaarpallaartannginnissaat anguniarlugu, taamaalilluni takornariat nunamut tamarmut siammarterneqarlutillu najugaqarfiit mikinerusut iluaquserneqassapput, akitsuutinut nutaanut timmisartuussisarnermik eqquisussanut, – pingaartumik ukiukkut timmisartuussisarnermut -nunap iluani angallassisarnermut eqquisussanut oqaaseqarluni takornariartitsisarnermut pisortaq erseqqissaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER