Skip to main content

Julia Pars Randi Vestergaard Evaldsenilu KAIR-ip siulersuisuini ilaasortanngortut

Kalaallit Airports ataatsimeersuarnermi 18,7 millioner koruunik amigartooruteqarsimalluni saqqummiussivoq, siulersuisunilu ilaasortassanik nutaanik marlunnik toqqaalluni.

Kalaallit Airports Holding sisamanngornermi ileqquusumik ataatsimeersuarmat siulersuisuni marlunnik nutaanik ilaasortaqalerpoq. Taakku tassaapput Demokraatit sinnerlugit Inatsisartuni ilaasortaasimasoq Randi Vestergaard Evaldsen aamma Visit Greenlandimi pisortaasimasoq Julia Pars, taamaalilluni siulersuisut nutaanik ilaasortaatitaqalernerisa saniatigut Namminersorlutik Oqartussat ingerlatseqatigiiffiutaanni suiaassutsit agguataarsimanerat iluarsiiffigineqarpoq.

Kjeld Zacho Jørgensen siulersuisut siulittaasuattut ingerlaqqippoq aamma Niels Thomsen ilaasortatut ingerlaqqilluni.  

Christian Berg Finn Møller Gaarsmandilu siulersuisuni ilaasortaajunnaarput.

Randi Vestergaard Evaldsen Kalaallit Nunaanni Brugsenimi Pisiassanut aamma Ingerlasussanik piareersaanermi aqutsinermilu pisortaavoq, siusinnerusukkullu Nukissiorfinni pisiortortuusimalluni. Piffissap ilaani Demokraatini siulittaasuugallarsimavoq aamma 2014-imiit 2019-imut Inatsisartuni ilaasortaasimalluni.

Julia Pars namminersortutut siunnersortaavoq, tamatumalu saniatigut pilersaarusiortarnerup, aqutsinerup, suleqatigiittarmermik piginnaasanillu qaffassaanermi pikkorissaasarluni. Kulturikkut Illorsuarmi Katuami ukiuni qulini pisortaasimavoq, tamatumalu kingorna Visit Greenlandimi 2019-ip tungaanut ukiuni pingasuni pisortaariarluni namminersortunngorsimalluni.

Ukioq qaangiuttoq

2020-mi isumaqatigiissusiortoqarsimavoq, ilaatigut Nuummi timmisartoqarfiup illutassaanik sanaartornissaq pillugu MT Højgaardimik isumaqatigiissuteqartoqarsimallunilu Ilulissani timmisartoqarfiup illutassaanik sanaartornissaq pillugu KJ Greenlandimik isumaqatigiissuteqartoqarsimavoq.

Siulersuisuni siulittaasup Kjeld Zacho Jørgensenip nalunaarummini erseqqissaatigaa, Covid-19 Kalaallit Airportsip sulineranut aamma sunniuteqarsimasoq, ilaatigut Ilulissani timmisartoqarfiup ammanneqarnissaa 2023-miit 2024-mut kinguartinneqarsimalluni.

Siulersuisuni siulittaasup ilisimatitsissutigaa, Qaqortumi timmisartoqarfissap ingerlateqqinneqarnissaa aningaasalersorneqarnissaalu aamma timmisartoqarfissanut allanut marlunnut tunngatillugit aningaasartuuteqarnerunissaq pillugit Namminersorlutik Oqartussat oqaloqatigineqartut.

- Ilulissani Nuummilu suliassat aningaasalersorneqarnissaannut atatillugit immikkut aningaasaliisoqarnissaa pisariaqartinneqalersimavoq, piginnittunillumi tamanna naatsorsuutigineqartareersimalluni. Immikkut 900 millioner koruuninik qanoq pissarsiniassanerluta oqaloqatigiissutigaarput, siulersuisuni siulittaasoq oqarpoq.

Kalaallit Airports Domestic 2020-mi 7,9 millioner koruunik amigartooruteqarsimasoq, Kalaallit Aiports International 12,6 millioner koruuninik amigartooruteqarsimavoq.

Aningaasat atorneqassasut

Kalaallit Airports Holding 2020-mi 1,3 milliarder koruuninik angusaqarsimavoq, akiliisinnaassusaalu 96,3 procentiulluni.

- Neriorsuutigisinnaavara suliat ingerlallualeriarpata aningaasat 2021-mi 2022-milu atorneqassammata, siulersuisuni siulittaasoq naatsorsuutinik saqqummiussinermini neriorsuivoq.

Ukiumi qaangiuttumik aqutsisut siulersuisullu aningaasarsiaannut 7 millioner koruunit missaanniittut atorneqarsimapput. Siulersuisuni ilaasortat aningaasarsiassaat imatut aalajangersarneqarsimapput: 

Pissarsiffik: Kalaallit Airports A/S
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER