Julecup: GSS QNA-lu ajugaaniutivissapput
GSS-ip QNA-llu angutitaat arnartaallu Brugseni Julecupimi ajugaaniutivittussanngorput
GSS-ip angutitai arnartaalu Brugseni Julecupip ippassaq ullut pingajussaannik ingerlanneqannginnerani ajugaaniutivinnissamut anngutereernikuupput.
QNA-p aamma NuK-p arnartaat angutitaallu ajugaaniutivinnissamut maanna anngunniupput.
NuK-p arnartaanni pitsaanerit ilaat juullisioriartorlutik angerlarsimasut amgiaatigineqarput. Taakku ilagaat nunanut allanut unammisartoq Christina V. Lange, unamminermi siullermi peqataasoq, ullumikkulli peqataanngitsoq.
- Taamaammat inuusunnerusut akisussaaffimmik annerusumik tigusisariaqarput, unammisullumi naligiilluarlutik ingerlapput - QNA-mili unammisartut unammilluarnerupput, pingaartumillu nunanut allanut unammisartut Ivalu Bjerge aamma Mia Egede Rasmussen, ullumi unamminermi piukkunnaatilinnit inuusuttunit marlunnit Ivaana O. Rasmussenimit aamma Ane-Sofiannguaq Frederiksenimit ikiorteqarluartut unitsitassaanatik. QNA-mi måliniittoq Liili piginnaasaqarnerminik arlaleriarluni takutitsivoq, isertitseriarneqartullu arlallit tigusarlugit. QNA naggataatigut 33 - 25-mik ajugaalluarpoq, nunanut allanut unammisartut sungiusaasuat Johannes Groth unammineq pillugu allappoq.
Angutini ajugaaniutivinnermi GSS-imut unammisussat aamma QNA-p NuK-llu akornanni nassaarineqartussaapput. QNA-p NuK-llu angutitaat unamminerup affaani siullermi unammigamik naligiiginnagajapput, pingaartumik NuK siuarsimasarluni QNA-lu malinnaaniarsaraluni.
- Taamaakkaluartoq QNA kinguaqqanerminit uteqittuarpoq. Unamminerulli affaa siulleq naammat naligeeqqinnaarput, kikkullu unamminerup affaata aappaani ajugaassanersut eqqoriaruminaalluni. Unammineq sukkasuupilussuarmik ingerlanneqanngilaq, sungiusaasulli tamarmik assigiinngitsutigut allannguisaqattaarlutik. Måliniittut aniseriarlugit amerlanerussuteqarluni unammisoqartarpoq, aamma illersueriaatsit pingasut-sisamat assigiinngitsut atorneqartarput, peqatigitillugu saassusinermi ammaariaatsit assigiinngitsut misilerarneqarput. Unammineq naligiilluinnartumik ingerlavoq, taamaakkaluartoq QNA-p unammisani NuK naggataatigut qimakkiartulerpaa, taamaalillunilu 30 - 25-mik ajugaareerluni sapaatiuppat ajugaaniutivinnermi GSS-imut unammisussanngorluni.
Ullumi Nuummi Inussivimmi ajugaaniviutivittoqarnerani arnat marlunut unammissapput, angutillu sisamat qeqqanut unammissallutik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...