Julecup: Angutit pissanganarluinnartumik ajugaaniviutivittut
GSS-ip arnartai Brugseni Julecupeqarnerani ajugaalluarput
Nuummi Inussivimmi Brugseni Julecupeqarmat angutit pissanganarluinnartumik ajugaaniutivipput. Unamminerup sivitsorneqarnerani aatsaat aalajangiisuusumik naggataatigut isertitsisoqarluni.
- QNA-p ullumi unamminermi piukkunnaatilissuaq Karl-Frederik Frederiksen, unamminerni marlunni kingullerni pingaaruteqarluartumik peqataasimasoq peqataatinngila. Taamaakkaluartoq taassuma taartissaanik ajornartorsiuteqanngillat, siusinnerusukkummi nunanut allanut unammisartuusimasut sisamat unammeqataasinnaallutik nalunaaruteqarsimapput. Eqalunnguaq Kristiansen, Aqqaluk Sørensen, Patrick Otiri Frederiksen aamma Nukappiaraq Dahl Thorleifsen ullumi ajugaaniviuttoqarnerani tamarmik peqataalluarput, fik alle en rolle i dagens finale, nunanut allanut unammisartut sungiusaasuat Johannes Groth allappoq.
- Unamminerup affaani siullermi arlaannaalluunniit unammisaminnit siuarnerusanngillat, taamaammat aamma paarlakaallutik siuarsimasarput. Ullumi aamma timi atorlugu unammisoqangaasiarpoq - dommerilli unamminersumut siullermut sanilliullugu malinnaalluarnerupput. Unaminnerup affaa siulleq tamarmik 16-eraarlutik naligiipput, imminnut unamminerat eqqarsaatigalugu angusaq naapertuulluinnartoq.
- Taamaammat unamminerup affaani kingullermi pissanganarluinnartumik unammisoqarniarpasippoq, GSS-ip tassani isertitseriartartut Marxwell O. Frederiksen aamma Marco Geisler unamminermi siullermi ungasianiit isaatitsilluarsimammata unammisat tikivillugit illersuinissaq toqqarsimavaa. Unaminneq tamaat tamanna atorpaat, taamaammat QNA allatigut aqqutissarsiuinnavissimalluni. Akiuunnerit arlallit toqqaannartumillu saassusisarneq illersuisuinik ammaasarpoq, QNA-lu naggataatigut siuarnissamut periarfissaqarluarluni.
- Unamminerup naanissaanut minutsialuinnanngortut QNA ajugaassutasinnaasumik siuarnissamut periarfissaqarpasikkaluarpoq. Taamatulli pisoqanngilaq, tassunga paarlaallugu GSS-imi måliniittut strafferlutik isertitseriarnerit ajornanngitsumillu isertitseriarnerit tigusajoorpaat, peqatigitillugulu GSS-ip Miki Heilmann siuttoralugu QNA isaatitsillutik pillarlugu. Miki Heilmann unamminrup aqunneqarneranut aalajangiisuulluinnarpoq, unammilluarluni banemi sumi tamaaniikkami - nammineq isertitseriarfissamik nassaanngikkaangami unammeqatini periarfissilluarlugit tunilluartarpai, GSS-illu illersuillutik saassullutillu unammineranut pingaaruteqarluinnarluni. Unamminerup ingerlanerani taamaammat ajugaasoqanngilaq, taamaammat Miki Heilmanni soorunami naggammik isertitsigaluarmat paatsuungasoqaraluarpoq, arsaq suli isinngitsoq piffissaq naasimammat tamarmik 31-31-raarput.
- Inuusuttunnguaq Inuk Olsen unamminersmi 14-inik isertitaqarluni unammilluartoq, GSS-imi unammeqatinilu unammineq sivitsorneqareersoq ajugaapput, ajugaaniutivinneq pissanganartoq naammassimmat 36-34 inernerineqarpoq. Ukioq manna assammik arsartarnermi 2019- naggaserlugu unammineq nuannerluinnartoq.
Ajugaaniutivinnermi Inuk Olsen GSS-imeersoq unammilluarnertut toqqagaavoq.
Arnat unammimmata taama pissanganartorsiortoqartiginngilaq.
- QNA tallimanngormat GSS-imut unammereersimagami sukataarneruvoq. Ullumi unamminissamut allannguisimarpasipput. QNA unamminermut siullermut sanilliullugu tamaviaarnipilussuulluni aallartippoq, GSS-ilu siuartanermisut ilisimaneqartoq isaatitsiniarnermik ajornartorsiuteqarluni. Unamminerup affaani naligiipput, GSS-ili naggataatigut nukissaqarnerulluni.
- QNA-p unammineq ataqatigiissinniarsaralugu nukippassuit atorpai, unammeqatigiillutik sungiussimanngimmassuk paasinartumik - GSS-illu tamanna atorluarlugu unamminerup aaffaani kingullermi siuarpoq, qularnaatsumillu 31 - 17-imik ajugaalluarluni. (muminnermi 14-12)
Ajugaaniutivinnermi Najaaja Anja Lyberth GSS-imeersoq unammilluarnertut toqqagaavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...