atuakkiortut

Juaaka nersornaasigassatut innersuunneqartoq

Atuakkiortut festivaleqarnissaannut Tvedestrandimi Norgemi qulingiluassaani ingerlanneqartussami Juaaka Lyberth qaaqqusaavoq. Nunat Avannarliit Siunersuisoqatigiivisa atuakkiortumut tunniuttagaanut nersornaasigassatut innersuunneqarpoq

Kalaallit atuakkiortut Kim Leine aamma Juaaka Lyberth maajimi nunat assigiinngitsut peqataaffigisaannik atuakkiortunik nersornaasiinerni Booktown Festivalimi naapissapput. Atuakkiortut festivaleqarnissaannut Tvedestrandimi Norgemi ingerlanneqassaaq.

Nunat Avannarliit Siunersuisoqatigiivisa atuakkiortutut nersornaasiuttagaanik toqqagaasimasoq Kim Leine peqataassaaq. Juaaka Lyberthip atuakkiaa ’Naleqqusseruttortut’ nunatsinnit nersornaasigassatut innersuunneqarpoq. Nersornaasiinissaq norskit statsministererisimasaannit Kåre Willochimit ammarneqassaaq.

Nunanit assigiinngitsunit peqataasoqassaaq, soorlu Korea Kujallermit, Malaysia, Kroatia, Schweizimit, Belgiamit, Tysklandimit Islandimit Sverigemillu.

Taanna maajip aappaanit sisamaat ilanngullugu ingerlanneqassaaq.

Powered by Labrador CMS