Torrak
Juaaka goes to Hollywood
Filmi Gravity, novembarimi filmertarfinni takuteqqaarneqartussaq, oktobarimili Cannes-imi takutinneqareersussaq - kalaallit erinarsuusiaanik erinartaqarpoq. Juaakap sinnassaasiaa atorneqarpoq
Annonse
Iluatsippoq.
Taamatut Juaaka Lyberth facebook-imini allappoq.
Taamatut allappoq pissutigalugu sinnassaasiaa Sinigit Meerannguaq 1974-imeersoq filmimi Gravity-mi, isumaqartumi Nunap Nutsuinera, atorneqarmat. Filmimi pissanganartuliami/qiiaammernartuliami inuttaapput Sandra Bullock aamma George Clooney.
Taakkua marluk erinarsuut tusaqattaartassavaat radio-kut pisoqqakkut, avataarsualiartaammik avataannarsuani tammarsimallutik.
– Oqaatigisinnaanngilara ilitsersuisup erinaa allanngortilaarsimaneraa, ilumoorporli erinaq ilaammat, Juaaka Lyberth allappoq.
Filmi oktobarimi Cannesimi takuteqqaarneqassaaq novembarimilu tamanut ammasumik takuteqqaarneqassalluni.