Skip to main content

Jørn Borkip kalaallit pillugit eqqumiitsuliarpassui

Jørn Borkip eqqumiitsuliamini assigiinngitsuni kalaallit oqaluttualiaat, oqaluttuatoqaat nammineq misigisarsimasaminik ilallugit takusassiarisimavai

ip Jørn Bork assigiinngitsorpassuarnik suliaqartarpoq. Uulialimmik qalipaasarpoq. Qisunnik ilusilersuisarpoq, titartaasarpoq imilersarissanillu qalipaasarluni. Atortut assigiinngitsut, soorlu ujaqqat, saarngit qisuilluimaluunniit bronzemut kinitat atorlugit ilusilersuisarpoq aamma nukappiaraallunili titartaasarsimavoq.

Najugaqarfiit mikinerit nuannernerujuaannarsimasut

-Meeraagallarama anaanama Kalaallit Nunaat pillugu oqaluttuuttarsimaqaanga. Ungasissukkut eqqarlerput kalaaliusimavoq. Taamani Københavnimi najugaqarpugut, akulikitsumillu Zoologisk Haviittarluta. Nannut nuannernerpaasarput. Tassa taamani Kalaallit Nunaannut soqutiginnilerpunga, Jørn Bork Limfjordimiittumi Morsimi Galleri Norkimut oktobarip qaammataata naalernerani pulaaratta oqaluttuarpoq.

Knud Fl. Larsen

Jørn Bork ilinniartitsisunngorniarfimmi 1971-imi ilinniartitsisutut naammassivoq. Femømi Lollandip avannaata tungaanniittumi suleqqaarpoq, 1974-imi Arsummi sulilernissami tungaanut suliffigisamini. Ukiut marluk qaangiummata pigisaminnik poortueqqipput. Jørn Bork nuliani erninilu marluk peqatigalugit Kangaatsiaq Kommuneusimasisumiittumi Attumut nuupput. Ukiut 19-it Attumi najugaqarsimapput. Allamik suliaqalerneq: Jørn Borkip katillugit ukiuni 26-ni Kalaallit Nunaanniinnerani, Ittoqqortoormiini ukiut tallimat atuarfimmi pisortaanertut sulinera kingullersaavoq.

Kvinden, der syede klæder af ravneskind.
Knud Fl. Larsen

Misigisimasarpassuit

Jørn Bork oqaluttuallaqqissuuvoq. Eqqumiitsuliat assigiinngitsut eqqumiitsuliatigullu takutinniakkat imaluunniit ukiorpassuarni Kalaallit Nunaanniinnermini misigisimasarpassuani tamaasa takutittarpai. Qimusserneq, pinialunneq aalisarnerlu ingerlalluartarpai. Aamma najukkami nunalu tamakkerlugu politikkernermik soqutigisaqarpoq. Ukiunimi 30-ngajanni Kalaallit Nunaanniittoqarsinnaanngilaq Kalaallit Nunaanni tamatumannga suliaqartoqarnera malinnaaffiginagu. Jørn Bork ilinniartitsisutut sulinermi aamma piniariartarneri aalisariartarnermilu saniatigut assilialiortarpoqt. 20.000 km-it qimussersimavoq aamma silarluttumi ulorianaqisunik arlaleriarluni misigisaqartarsimavoq. Ukiuni 26-ni Kalaallit Nunaanniisimanermi misigisimasat, misigisimasat aamma misigisimasat oqaluttuariniaranni atugaq ataaseq naammanngilaq.

Ataaliannguaq
Knud Fl Larsen

Oqaluttuat oqaluttuatoqqallu nammineq misigisimasanik ilallit

-Ullut tamaasa oqaluttuassaqalertuaannarpoq, imaassinnaavorlu ullumikkut inuiaqatigiinni qaluttuarineqartartut ilaat kinguaariaanni oqaluttuarineqartarsimasut, Jørn Bork oqaluttuarpoq.

Jørn Borkip atuagarsuaq kusanartoq, FØR BRISTEPUNKTET, siorna saqqummiuppaa. Danskisut, tuluttut tyskisullu naqitaq. Atuagaq 239-nik quppernili Jørn Borkip suliarpassuinik assigiinngitsunik imalik. Qalikkat, titartakkat ilusilersukkallu naammaasillugit suliarineqarsimasut. Kalaallit oqaluttuaat oqaluttuatoqaallu aamma Jørn Borkip nammineq misigisimasai. FØR BRISTEPUNKTET atuagatsialaavoq.

Knud Fl Larsen

-Oqaluttuatoqqat aamma ullumikkut inuusunut oqariartuutissaqartarput, Jørn Bork taamatut isumaqarpoq.

-Oqaluttuatoqarpassuit ulluinnarni pisartuuupput. Tassa inuunermi pinngitsoorneqarsinnaanngitsut: Inuuneq isumassarsiuinermut angusaqarsunnermullu tunngassuteqanngilaq, taakkunanngali misigisaqarnissamut tunngassuteqaannarluni, Jørn Bork taamatut oqarpoq.

Takussallugit piukkunnartut

Jørn Borkip qalipagai oqaluttuanik oqaluttuartuupput. Assersuutigalugu qalipagaq Aataaliannguaq. Nukappiatoqaq arnamik qaqortunik atisalimmik sissami takusoq oqaluttuaq pissanganartoq. Taava susoqariasaarpoq. Arnaq tulukkap amiinik atisaliortoq qalipagaavoq alla oqaluttuatoqqamit tunngavilik. Jørn Bork tassunga assingusumik Attumi misigisaqarsimavoq. Oqaluttuat taakku marluk allarpassuillu Jørn Borkip atuakkaani FØR BRISTEPUNKTET-imi atuarneqarsinnaapput.

 

Kalaallit Nunaat puigunngisaannassagaa

Jørn Bork Kalaallit Nunaanneeqqammerpoq. Danmarks Radiop qivittoq upperisapalaallu pillugit P1-imi Audiensikkut aallakaatitassiaanut peqataalluni. Jørn Borkip ilaatigut oqaluttuaraa, Kalaallit Nunaanni pinngortitarsuami kisimiilluni susoqarsinnaanersoq.

-Nammineq qanoq iliuuseqanngikkaanni annattoqarsinnaanngilaq. Pinngortitamiillu suulluunniit nammineq iliuuserusat kinguneqarsinnaasut nuannertaqaaq.

-Qimusserluta piniariartarnivut puigunngisaannassavakka. Ukkiukkut aavartarneq immikkuullarissuujuaannarpoq. Oqimaattaqaaq. Akerlianiilli tuttukkaanni iluanaarnartarluni. Qaqqami ungasissumi kisimiikkaanni sumilluunniit pisoqarsinnaasarpoq. Tamanna suli takorloortarpara.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER