Johnna ipilluni ajunaarnissaraluaminit annassimavoq - maannalu umiarsuarmi naalaganngorsuppoq
Johnna Petersen, Qeqertarsuup Tunuani umiatsiamik ajutoortoqarnerani inuit sisamatajunaarneranni annattutuaasoq, ilinniarnertuunngoqqammerpoq. Ukiut pingasut matumasiorna imaani ilungersorluni annanniarsimagaluarluni umiarsuarmi naalaganngornissanitakorloorpaa.
Nunatsinni innuttaasut tamapajaamik misigissutsimikkut sakkortuumik aalaterneqarlutillu
attortipput Jens aamma Dorthe Kjeldsenikkut, Jensip meeraaqatigisimasaa misigisassarsiortartoq aamma umiarsuliortoq, Erik Petersen, peqatigalugu
Sullualukkoornerisa tv-kkut aallakkaatitassiarineqarnerani, aallakaatitassiap sisamanik
immikkoortortallip immikkoortua siulleq, DR2-kkut 2018-imi januaarimi aallakaatinneqartoq
takugamikku.
Aviisi AG allappoq.
Ikinngutigiimmi taakkua pingasut Johnna Petersenimik, umiatsiaaqqami tallimanik
issimasulimmi, ajutoornerup kingorna annattutuaasumik, juulip qaammataani 2017-imi
annaassiniarnertik immiussimavaat.
Aallakaatitassiami takuarput, maanna 23-ngajannik ukioqartoq, Johnna Petersen
misigisassarsiortunit Dorthe aamma Jens Kjeldsenimit, taakkualu ikinngutaannit Erik
Peitersenimit aamma filmiliortumit, annaanneqartoq. Tamanna sioqqullugu Johnna
Petersenip aappaa ilaqutaalu pingasut umiatsiap motoria katammat, umiatsiarlu kivimmat,
ajunaarput. Johnna Petersenilu imaani nalunaaquttap akunneri marluk sinnerlugit
ilungersorluni nunap tungaanut nalulluni ingerlaarniarsarereersoq annaanneqarpoq.
Johnna Petersenip umiarsuarmi naalaganngornissaminik ullumi takorluugaqarpoq. Umiarsuarmut Georg Stagemut qinnuteqarsimavoq, ukiulli pingasut matuma siorna misigisimasani, misigissutsimigut qaqagumulluunniit anigorsinnaanissaa ilimaginngilaa.
Johnna Petersenip attortinnartumik AG-mit apersorneqarnera, aamma imaani nalunaaquttap akunneri pingasut missaanni annanniarsimanermi kingorna inuunera qanoq ingerlasimanersoq atuakkit. Ugguuna iserfigisinnaavat: