Skip to main content

John Mair: Kuannersuarni suliniut ingerlateqqinniarparput

Piiaanissamut akuersissummik pissarsiniarnermik suliaq ingerlateqqinneqarpoq Kuannersuarni suliniutip matuneqarnissaanik politikkikkut oqariartuuteqartoqaraluartoq. Aatsitassarsioqatigiiffi k Greenland Minerals suliniutip unitsinnissaanik imaluunniit Kalaallit Nunaata eqqartuussivikkut suliassanngortinnissaanik pilersaaruteqanngitsoq, pisortaq John Mair kisimiilluni apeqqarissaarfi ginninnermi oqalu uarpoq.

Greenland Mineralsip Kuannersuarni suliniummut VVM-imik nalunaarusiaata tusarniaassutigineqarnera sivisooq sapaatip-akunnerinik 37-nik sivisussuseqartoq ataasinngormat septembarip 13-iani qaangiuppoq.

Aatsitassarsioqatigiiffi mmit, aatsitassanut oqartussanit aamma siunnersortinit attuumassuteqanngitsunit Aarhus Universitetimeersunit piffi ssaq aggersoq atorneqassaaq tusarniaanermi apeqqutigineqartunut akissutit allattorsimaffi annik suliaqarnermut atorneqassaaq.

Greenland Mineralsip pisortaata John Mairip aalajangiusimavaa, maannamuugallartoq piianissamut akuersissummik pissarsiniarnermik suliamik ingerlatsineq allannguuteqarsimanngitsoq.

Tusarniaanermi akissutit allattorsimaffi annik suliaqarnerup innuttaasunik ataatsimiititsinernit kingullernit imaqarnilianik tigusaqarniariarunik aallartinnissaa siunniussimavaat, upernaarulu sumiiffi mmi misissuilluni suliaqarnerit aallarteqqinneqassallutik. Allatut oqaatigalugu suut tamarmik pilersaarutaaqqaarsimasut malillugit ingerlanneqarput.

Akissutit alla orsimaffi ata suliarinissaanut piareersimasut

Februaarimi 2021-mi innuttaasunik ataatsimiititsinerit siulliit kingorna VVM-imik nalunaarusiami suliniummiluunniit allannguutinik iluarsiissutinilluunniit suliaqarsimavisi? Aappiuppat, allannguutit/siuariarnerit suut? Naaggaappat, sooq taamaaliorsimanngilasi?

– VVM tusarniaassutigineqarnissamut decembarip 18-iani 2020-mi Naalakkersuisunit akuersissutigineqarpoq, Greenland Mineralsilu tusarniaaneq ingerlanneqartillugu allakkiami allannguutinik suliaqarsinnaanngilaq. Inatsisit naapertorlugit tusarniaanerup naammassinerani akissutit allattorsimaffi annik suliaqartoqassaaq, VVM pillugu apeqqutinik tamanik, tusarniaanermi saq - qummiunneqarsimasunik ajornartorsiutinullu taakkununnga aatsitassarsioqatigiiffi up akissuteqaataanik allaaserinniffi usumik.

VVM-imi allannguuteqartitsinissamik piumasaqaateqarfi usumik apeqquteqarnera paasinarsippat, tamakkua isumaliutiginissaat pissusissamisuussaaq, oqartussanit akis - sutit akissutit allattorsimaffi annut ilanngunneqartussanngorpata. Uagutsinnut VVM-imi nutarterinernik suliaqalersinnata tusarniaa - nerup naammassinissaata tungaanut oqaa - seqaatillu tamakkerlugit pissarsiarineqarsimalernissaannut utaqqinissaq sukumiissuseqarnerusimavoq.

John Mairip apersorneqarnera tamaat Sermitsiami sapaatip akunnerani matumani saqqummersumi atuarsinnaavat, aviisi ugguuna iserfigisinnaavat:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER