qaaqqusineq
John Kerry nunatsinnukassamaalersoq
USA-p nunanut allanut ministeria John Kerry piffissami ungasinngitsumi Kalaallit Nunaat Danmarkilu tikikkumaaraa danskit nunanut allanut ministeriat Martin Lidegaard oqarpoq
Danskit nunanut allanut ministeriat Washington D.C-imiinnermini USA-p nunanut allanut ministeriat John Kerry Danmarkimut Kalaallit Nunaannullu qaaqquaa.
- Qaaqqusissutinnut qujanartumik qujavoq, neriuppungalu piffissaq ungasinngitsup iluani Danmark Kalaallit Nunaallu tikissinnaassagai, Martin Lidegaard oqarpoq.
Lidegaard Kerryllu Ruslandip præsidentia Vladimir Putinimut isiginninnerat pitsanngoriartorpoq. Ukrainemimi maannakkut eqqissiviilliornerit annikilliartorput.
Martin Lidegaardip Washington D.C-miinnermini Ukraine, Syria, Issittoq silallu pissusai pillugit oqallinnerit ingerlanneqarput.
Clinton Nuummiimmat
USA-p nunanut allanut ministererisimasaa Hillary Clinton 2011-mi nunatsinnut tikeraarpoq, Issittormiut Siunersueqatigiivisa ataatsimiinneranni Nuummi ingerlanneqartumi ataatsimeeqataagami.