Skip to main content

Jess Svane siullermik periarfissinneqarpoq

Naja Petersenip Atassummeersup Qaasuitsoq Kujallermi kina borgmesterinngussanersoq aalajangissavaa. Taassuma maanna Jess Svane Siumumeersoq ataatsimeeqatigaa. Ulloqeqqareernerani aatsaat Ane Hansen (IA) ataatsimeeqatigissavaa. KNR taama allappoq.

Ullumi nalunaaqutaq qulinut Naja Petersen Atassummeersoq Jess Svanemik (S) ataatsimeeqateqariartorpoq. KNR taama oqaluttuarpoq.

Tusagassiorfik innuttaasunik kiffartuussisoq naapertorlugu Ane Hansen (IA) nalunaaqutaq ataatsimut aatsaat ataatsimeeqatigissavaa.

Partii annerpaasoq siulliulluni amerlanerussuteqarniarsarinissamut periarfissinneqartarnera ileqquugaluarpoq.

Inuit Ataqatigiit Qaasuitsoq Kujallermi annerpaanngoramik taakku siulliussagaluarlutik.

Taasinerit naligiiffiugaluartut, IA aamma Siumut ikaarsaariarnermut ataatsimiititaliami ilaasortaatitaat amerlaqatigiissapput, taamaalilluni Atassummi ilaasortanngortup ataatsip kina borgmesterinngussanersoq toqqassavaa.

Borgmesteritut qinigassanngortitaq Jess Svane maanna qanoq neqeroorsinnaanerminik siulliulluni nassuiaanissamut periarfissinneqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER